L’aragonés ye present ista semana en un Seminario sobre “Medios de comunicación socials y as luengas minoritarias”

se presentarán estudios sobre Gales, Irlanda, Letonia, Polonia, Rumanía, País Basco, Laponia, u Aragón

D’o 28 ta o 30 de noviembre, se ye celebrando en a capital Frisia, Ljouwert, un Seminario internacional sobre “Medios de comunicación socials y as luengas minoritarias”. Iste seminario, que se fa en a siede de l’Academia Frisia (Fryske Akademy), ye o seiseno d’una serie de seminarios organizaus de conchunta por o Centro d’Investigación Mercator y o Gubierno Basco, en a bastida d’un prochecto d’investigación sobre multilingüismo y educación multilingüe.

En iste seminario s’estudiará aspectos relativos a os conoixius como ”social media” (blogs, retz socials, plataformas colaborativas, medios de comunicación como Arredol.com) en contextos multilingües, mas que mas quanto a las oportunidatz y risgos que planteyan ta las luengas minoritarias.  I participan investigadors de diferents centros d’investigación europeus, que tractarán diversos aspectos d’as relacions entre as nuevas tecnolochías y as luengas minoritarias, tanto en cheneral, como en casos concretos de bellas luengas europeas. Asinas, se presentarán estudios sobre Gales, Irlanda, Letonia, Polonia, Rumanía, País Basco, Laponia, u belatros como as luengas minoritarias d’a branca fino-ugrica u as luengas de signos. O caso de l’aragonés será presentau por Juan Pablo Martínez, d’a Universidat de Zaragoza, en una ponencia convidada que tien por titol “Opportunities, risks and challenges of social media for (very) endangered languages: the case of Aragonese”.  Se puet consultar o programa d’o seminario en a pachina web “Mercator Research” http://www.mercator-research.eu/fileadmin/mercator/conferences_files/2012_November_28-30/Seminar_Programme_20122311.pdf

Una rispuesta a L’aragonés ye present ista semana en un Seminario sobre “Medios de comunicación socials y as luengas minoritarias”

  1. Pingback: L’aragonés ye present ista semana en un Seminario sobre “Medios de comunicación socials y as luengas minoritarias” | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.