L’aragonesa Andrea Blas medalla de archent en os Chuegos Olimpicos

Andrea Blas succede a Conchita Martínez como medallista olimpica aragonesa

Andrea Blas penchó ista foto con a medalla y a bandera d'Aragón

Andrea Blas penchó ista foto con a medalla y a bandera d’Aragón

Andrea Blas prene o relevo de Conchita Martínez como medallista olimpica aragonesa en una gran actuación d’a selección espanyola de waterpolo femenino que ha aconseguiu plegar en a final contra Estaus Unius. Andrea Blas ye a segunda muller aragonesa con medalla en uns Chuegos Olimpicos. L’equipe espanyol, an que competiba l’aragonesa, perdió en a final con EE.UU. por 8-5, pero dimpués de fer un gran torneo, en que han iu superando a todas as suyas rivals en a piscina.

Y tot isto, en un esporte, o waterpolo femenin, sin a presencia mediatica d’atros, con un seleccionador nuevo, Miki Oca, que ya estió medallista olimpico, y un equipo de mullers muit chovens, con una meya de 23 anyos d’edat. Andrea Blas, en a suya primer participación en Chuegos Olimpicos ha ganau o quiesto metal, dimpués de fer tamién un buen torneo, que prencipió marcando un gol en o primer partiu en que compitió.

O rete s’ha empliu de felicitacions ta l’aragonesa, y ya bi ha propuestas ta que siga pregonera d’as Fiestas d’o Pilar de Zaragoza por o suyo exito esportivo en os Chuegos Olimpicos de Londra

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.