L’Aramón C.Ch. Chaca campión de Liga por tercer anyo consecutiu

O Club Chelo Chaca campión de Liga (Foto: CHJACA)

O Club Chelo Chaca campión de Liga (Foto: CHJACA)

L’Aramón Chaca s’ha proclamau campión d’a Liga espanyola de hockey sobre chelo en ganar a o Club chelo Puigcerdá en a eliminatoria final. Os chaqueses han ganau o quarto partiu d’a ronda definitiva por o titol ganando a domicilio por un marcador final de 2-4. O Club chaqués aconsigue asinas a oncena Liga d’a suya trachectoria y a tercera consecutiva.

En o partiu que resolveba a eliminatoria, i hai habiu uns resultaus parcials de 2-2, 0-2 y 0-0. Os gols d’o Chaca han estau obra de Desi Pérez (2), Adrián Ubieto y Maxime Martineau. Por o Puigcerdá anotoron Daniel Ortega y Marc Bosom.

A la fin d’o partiu os chugadors, tecnicos y directivos de l’Aramón Chaca han celebrau sobre o chelo iste nuevo titol de Liga que ratifica o dominio d’os chaqueses en as tres zagueras temporadas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.