L’archivo etnografico d’Os Monegros ya ye accesible en o rete

A recient sistematización d'o fichero ha permitiu a la Comarca d'Os Monegros, patrocinadora d'o treballo, integrar-lo en o SIPCA t'a suya consulta publica.

O treballo reculle imachens antigas d'a vida en Os Monegros.

O treballo realizau dende l’Aria de Cultura d’a Comarca d’Os Monegros por meyo d’a replegada directa de datos a traviés de grabacions y entrevistas desembolicadas en os 31 municipios monegrinos ha dau os suyos fruitos. Ya se puede acceder a o fichero etnografico d’Os Monegros por meyo d’a pachina web d’o Sistema d’Información d’o Patrimonio Cultural Aragonés (SIPCA).

O treballo de campo prencipió en l’anyo 2006, baixo a dirección de l’investigador Manuel Benito Moliner, y a traviés de l’aria d’Educación d’Adultos, con a supervisión tecnica y l’emparo economico de l’Instituto de Estudeos Altoaragoneses. Como explica o consellero comarcal de Cultura, Gonzalo Gavín, “a labor de replegada s’ha prolongau mientras mas de cinco anyos y cal destacar o papel activo fundamental que han desembolicau tanto as educadoras como o alumnau d’Educación d’Adultos que, bien por experiencia u información propia, bien con consultas a chent mas mayor de cada localidat, estioron replegando datos de cada aria tematica d’intrés”.

A recient sistematización d’o fichero ha permitiu a la Comarca d’Os Monegros, patrocinadora d’o treballo, integrar-lo en o SIPCA t’a suya consulta publica. En concreto, s’han sumau a os recursos informativos d’o SIPCA 1.950 nuevas fichas, procedents d’o fichero monegrino, que replegan aspectos muit diversos d’a vida tradicional d’a Comarca, dende festividatz y romerías dica recetas tradicionals de cocina, pasando por costumbres relacionaus con o ciclo d’a vida u tecnicas tradicionals de construcción.

Os documentos replegaus son escritos, sonoros y fotografías, tanto imachens antigas como fotografías elaboradas en os diferents lugars mientras o proceso de replega de datos. “Bells d’istes documentos se refieren a un ambito supramunicipal y atros, en cambeo, abordan qüestions mas locals d’un solo municipio”, ha informau Gavín, qui amás ha subrayau que “quasi totz os temas que s’abordan tienen arraigo en a vida tradicional. Tradicións sobre l’orichen d’os lugars y os suyos nombres, denominación de carreras, vicos, monts y casas, resenyas y anecdotas de personaches populars, festividatz, tradicións de Nadal, ermitas, refrans, folklore, leyendas, lirica, romances, poemarios y oficios tradicionals, entre atros”.

Fuent: http://www.comarcas.es/index.php/mod.noticias/mem.detalle/idnoticia.6700/relcategoria./chk.6f5242fc53b508a479af4b6bb009a321.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.