L’Artico marino desapareixerá en 2016

Peter Wadhams, scientifico d'a Universidat de Cambridge y experto en cambeo climatico, demanda que se prengan midas urchents ta frenar o calentamiento mundial

L’alerta lanzada o pasau verano dimpués de l’aviso clarament visible con Groenlandia y l’Artico perdendo gran parte d’a suya masa chelada son mas que prous motivos ta pensar que o calentamiento d’a planeta s’accelera y ye un escayecimiento present. Ye a conclusión a la qual plega o scientifico de Cambridge y experto en ista materia, Peter Wadhams, que considera que en quatro anyos o chelo marino de l’Artico será historia.

Clama a prener midas urchents en una entrevista que publica ‘The Guardian’ ista mesma semana y demanda buscar solucions y alternativas. Wadhams asegura que “no nomás cal buscar reducción d’emisions de CO2, soque cal buscar atras alternativas y formas ta frenar o calentamiento mundial”. Iste scientifico ha destacau a importancia d’a cheoincheniería ta frenar o fenomeno d’o calentamiento: “Se podrían reflexar os rayos d’o sol enta l’espacio, o que provocaría boiras mas blancas y aportar a l’ociano minerals que absorban mas CO2”.

Agosto-setiembre de 2015 u 2016 sería a calendata en a que plegaría o colapso. L’Artico completaría o que iste scientifico ha dau en nombrar u describir como “una esferra global”. Insiste que a causa de que l’Artico pierda tot o suyo chelo marino no se debe nomás a o calentamiento global,  ya que “mientres que o clima s’ha iu calentando, o creiximiento d’o chelo ha estau menor mientres l’hibierno, mientres que o deschelo d’o verano ha estau mayor”. En atras parolas, si o creiximiento d’o chelo en hibierno ye inferior a la epoca de trencadura quan se deschela ye facil comprender que en breu, con ista acceleración tan notable, o chelo artico desapareixerá en quatro anyos.

Fuent: http://www.aragon2.com/n-20221-702-Artico_marino_desaparecera_2016

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.