L’Asamblea francesa apreba o matrimonio homosexual

O texto pasa agora t'o senau, a on probablement será aprebau en abril

asamblea francesaL’Asamblea francesa aprebó ahiere o prochecto de lei sobre matrimonio y adopción de parellas homosexuals, que bien probablement entrará en vigor d’aquí a dos meses, habendo pasau o tramite en o senau. O texto, que plegaba en a camara dimpués de días d’intenso debat y de manifestacions a favor y en contra, recibió 329 votos a favor, d’as collas de cucha, 229 en contra, y diez abstencions.

O debat d’o prochecto de lei se remató o sabado. Mientres os diez días previos, os diputaus heban debatiu y votau as cinco mil esmiendas presentadas a o texto. A votación solemne se fació ahiere de tardes. Agora o texto pasará t’o senau, a on, dende o 18 de marzo se podrán tornar a presentar esmiendas y se sozmeterá a votación o 2 d’abril. Tamién será aprebau, de seguras, gracias a o refirme d’os partius de cuchas.

‘Ista ye a votación de l’argüello, l’argüello de permitir a la Republica de dar un trango de chigant en a igualdat de dreitos y rematar una luita de trenta anyos; l’argüello d’haber participau plenament en o debat, tanto de días como de nueitz, sin haber feito servir garra artificio de procedimiento’, deciba dimpués d’a votación o portavoz d’o socialistas en l’Asamblea, Thierry Mandon.

Fuent: http://www.vilaweb.cat/noticia/4083905/20130213/lassemblea-francesa-aprova-matrimoni-homosexual.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.