L’asociación Clarió ferá una chornada sobre luenga y escuela en o Matarranya

O venient sabado en Penyarroya de Tastavins se realizará ista chornada en defensa d'a luenga catalana en as escuelas d'o Matarranya. Amás, se clausurará l'anyo Desideri Lombarte

1A JORNADA escola matarranyaL’Asociación de Pais d’o Matarranya en Defensa d’o Catalán, Clarió, organiza t’o venient 4 d’octubre una chornada sobre luenga y escuela en o Matarranya, en Penyarroya de Tastavins, con diversas actividatz y charradas ta totz os publicos.

A chornada coincide con un momento d’ataque a l’asignatura de catalán en colechios y institutos como l’IES Matarranya de Val de Robres, a on l’asignatura de luenga catalana s’ufre como optativa chunto a l’asignatura de luenga francesa en 1º,  2º y 3º d’ESO, feito denunciau por a chefa d’o Departamento de Francés de dito instituto. Finalment debiu a la presión d’os pais y mais, o catalán podrá estudiar-se en horario de francés, encara que puede estar que se cambie a horario de tardes, seguntes informa comarquesnord.cat.

A chornada presta por Clarió escomenzará en o centro cultural de Penyarroya con a recepeción y entrega de documentación a os participants de maitins. Se ferá a bienvenida y se presentará o dossier “Benvinguts profess@rs del Matarranya!“. 20 minutos dimpués, Joan Pere Le Bihan, responsable de la Bressola (ret d’escuelas laicas catalanas en a parte catalanofona francesa) dende 1981 dica 2012, impartirña a charrada “O modelo d’immersión de la Bressola“.

Mas ta debant se presentará una serie de tallers didacticos sobre o prochecto d’innovación y investigación educativa “Cantem Junts” y sobre Desideri Lombarte en a exposición “Ataüllar el mon des del Molinar“. Tot rematando se ferá una pausa y se continará con a mesa redonda “Experiencias arredol de 30 anyos d’ensinyanza d’o catalán en Aragón“, que se celebra ista anyada. Tamién i habrá actividatz infantils paralelament a la chornada en a escuela.

De tardes, se ferá actividatz ta zarrar l’anyo Desideri Lombarte. Se realizará una visita t’o Museu Etnolochico Lo Masmut y t’o Parque Aragonés d’a Vivienda, en l’itinerario poetico Desideri Lombarte. Se ferá un mural en a escuela y se realizará a clausura de l’anyo Desideri Lombarte con a lectura d’as actividatz realizadas a cargo de l’Asociación Cultural d’o Matarranya.

Una rispuesta a L’asociación Clarió ferá una chornada sobre luenga y escuela en o Matarranya

  1. Lluís-Xavier Flores Abat

    Las chornadas estioron muito bien, de verdat. Tos puedo dicir que la charrada de Joan Pere Le Bihan va ser fabulosa. Iste profesor compartió con o publico una pluvia d’ideyas chenials e iniciativas pa la defensa de la lengua en l’ensinyanza que caldría que se conoixesen en l’ambito aragonesoparlador. A veyer si bella asociación el convida perque l’experiencia y la filosofia de la Bressola como escuela laica concertada puede ser perfectament adaptada en Aragón seguntes la lechislación espanyola actual. Sin duda, més que recomanable la lectura d’es suyos dos libros.

Responder a Lluís-Xavier Flores Abat Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.