L’Asociación Cultural O Trango convoca o Primer Concurso de Cuentetz y Falordietas ta Ninos y Ninas en Luenga Aragonesa “Araescuela”

O Trango convoca "Araescuela", un concurso literario en aragonés ta ninos y ninas entre 6 y 12 anyos en qualsiquier dialecto, grafía, tematica u formato

ARAESCUELAL’Asoziazión Cultural O Trango convoca o Primer Concurso de Cuentetz y Falordietas ta Ninos y Ninas en Luenga Aragonesa “Araescuela”, que tiene como finalidat promocionar o emplego d’a luenga aragonesa en escolars d’entre 6 y 12 anyos como mida t’aturar a perda d’iste patrimonio cultural.

As obras presentadas podrán estar escritas en qualsiquier modalidat dialectal de l’aragonés u en aragonés estandar, sin importar a grafía feita servir, siempre que s’amuestre coderencia y suficient conoixencia d’a luenga u variedat. A tematica será libre, asinas como o formato (comic, narrativa, poesía…), si bien as obras habrán de tener un minimo de 2 ilustracions y una extensión de 2 a 6 pachinas incluindo ilustracions y sin importar a distribución y forma d’a fuent emplegada, podendo-se escribir igualment a man. Las bases son disponibles en o blog de l’Asociación Cultural O Trango.

S’entregará como primer premio dos dentradas a o parque aquatico Port Aventura Aquatic Park y como segundo premio dos dentradas a o Parque d’Atraccions de Zaragoza. Se dará un chicot regalo sorpresa a la escuela con mayor participación, y si o numero de relatos recibiu ye elevau, s’entregará un tercer premio sorpresa.

As obras se podrán presentar dica o día 1 de chulio en l’adreza de correuo electronico otrango@gmail.com u en a siguient adreza de correo postal: Asociación Cultural O Trango; C/ Doctor Blanco Cordero, 1º 13, 4º cucha; CP 50002, Zaragoza. Mas información se puede pillar a traviés de l’Asociación Cultural O Trango en otrango@gmail.com, en o blog, en o facebook Coleutibo O Trango u en o mobil 651 115 755.

Fuent: http://arainfo.org/2013/03/la-asociacion-cultural-o-trango-convoca-el-primer-concurso-de-cuentez-y-falordietas-ta-ninos-y-ninas-en-lengua-aragonesa-araescuela/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.