L’Asociación Mallau-Amigos de Susín ferá un homenache a Angelines Villacampa

En Susín se ferá iste cabo de semana un homenache a la mantenedora d'iste lugar, Angelines Villacampa, muerta d'hibierno pasau

Homenaje-Angelines-Villacampa-1024x7235 meses dimpués d’a muerte d’Angelines Villacampa, a mantenedora d’o lugar de Susín, l’Asociación Mallau-Amigos de Susín le ferá un homenache iste cabo de semana en o citau lugar. Angelines Villacampa yera a unica habitant de Susín, fació un gran y incansable treballo por recuperar iste lugar pirinenco y evitar que cayese en o xubliu. A suya muerte estió muit sentida en tot l’Alto Galligo y en os amants d’a cultura.

Mientres dende o venient viernes 12 dica o domingo 14, se ferá una serie d’actividatz en homenache a Angelines. O viernes 12 s’acullirá a os primers visitants en os campos de Casa Mallau do acamparán. O sabado 13 se continará acullindo en o mesmo puesto a todas as personas que quieran acudir-ie y se ferán treballos a zofra pa acondicionar o scenario de l’homenache. Amás, a las 8:30 h. d’o maitín pasará a corrida de BTT Oturia Extrema por o lugar.

O domingo 14 se ferá l’homenache propiament dito, prencipiando a las 11:30 h. con a recepción de participants. A las 12 h. se ferá a presentación de l’Asociación Mallau y a las 13:30 h. se ferá una chenta “d’alforcha” entre os y as presents. Dimpués de chentar, actuarán os dances de Samianigo, Senegüé y Sorripas, y se dará memorias por y pa Angelines. A las 17 h. se celebrará una misa y s’ixamenarán as cenisas d’Angelines. Dimpués actuará a ronda y se repartirá coca y vin, y pa rematar l’homenache, a las 19 h. se celebrará o “Cuentacuentos d’o Pirineu, 5º concurso pirinenco de narración oral” y se realizará a despedida.

Una rispuesta a L’Asociación Mallau-Amigos de Susín ferá un homenache a Angelines Villacampa

  1. Miguel Isturiz Aldaz

    Me gustaria que me dieses el correo electronico de L’Asociación MallauAmigos de Susín, para enviarles unas fotos del pueblo de Susin,sacadas desde una avioneta. Las hice para regalarselas a un querido amigo que tiene el apellido Susin
    Saludos cordiales
    Miguel Isturiz

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.