L’asturiano tenió representación en un congreso en São Paulo

Miembros d'a colla d'investigación Seminario de Filolochía d'a Universidat d'Ovieu, participón mientras ista semana en un congreso en Brasil dedicau a los neolochismos.

O II Congresso Internacional de Neología das Línguas Românicas (Cineo 2011) se celebró en a Universidat de São Paulo entre o 5 y o 8 d’aviento. Dirichiu a investigadors, collas d’investigación, organismos publicos y privaus, y chent intresada en a creación lexical y en o desenvolique d’o lexico en luengas romanicas, ye una continidat d’o primero, celebrau en Barcelona en l’anyo 2008. Asinas, en él se trobón expertos de tot lo mundo en neolochía, isto ye, en a creyación de nuevas parolas.

 

L’asturianu bi tenió representación gracias a la participación de Ramón d’Andrés, Sara Gutiérrez Rodríguez y Vanesa Díaz Fanjul, d’a colla d’investigación Seminariu de Filoloxía de la Universidá d’Uviéu, que bi impartión una charrada d’una hora baixo lo títol ‘El observatorio AsturNeo para el estudio de los neologismos en la lengua asturiana”, aintro d’a sección “Neolochía y luengas minoritarias u minorizadas”.

 

AsturNeo ye l’acronimo d’Observatoriu Asturianu de Neoloxía, proyecto d’investigación dirichiu por D’Andrés que dio os primers pasos en o 2010 gracias a un convenio entre a Universidat d’Ovieu, a Universidat Pompeu Fabra y a Consellería de Cultura d’Asturies. Ista iniciativa investigadora ye inscrita en o Rete d’Observatorios Neolochicos, establexida en una serie d’universidatz de l’estau, d’a Europa lingüisticament romanica y Latinoamerica, con coordinación dende a Pompeu Fabra catalana. “L’obchetivo primordial d’AsturNeo ye l’estudeo estadistico y scientifico d’os neolochismos producius en l’asturiano escrito d’os diarios dichitals en luenga asturiana, fendo asinas un diagnostico d’a vitalidat d’a luenga en iste terreno d’o lexico”, explanicó D’Andrés a o diario dichital Asturies.com. En o congreso brasileiro se fació una presentación d’iste proyecto, a o mesmo tiempo que s’enantón os resultaus provisionals d’as investigacións feitas en os anyos 2010 y 2011.

Fuent: http://www.asturies.com/noticies/asturies-va-tener-representaci%C3%B3n-en-s%C3%A3o-paulo-nun-congresu-sobre-neoloxismos-en-lling%C3%BCes-ro

Una rispuesta a L’asturiano tenió representación en un congreso en São Paulo

  1. Muit buena noticia.
    M’en foi contento que torne a repetir l’asturiano en CINEO. Por cierto, un dato nomás, en a primera edición d’iste congreso, en Barcelona, como bien comentatz, l’aragonés i tenió representación con a ponencia “El problema de la neología en una lengua (re)emergente: el caso del aragonés” feita por Juan José Segura Malagón, de l’Academia.
    En fin, continatz asinas, lo fetz muit bien. Gracias!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.