Latinoamerica y o Caribe enamplarán a cooperación rechional en dembas de tecnolochías d’a información

A CEPAL considera que istos trangos enta debant son un intrumento de desembolique y inclusión social

Imachen d'a cumbre (Foto: Cronica d'Aragón)

Imachen d’a cumbre (Foto: Cronica d’Aragón)

Os paises d’America Latina y o Caribe han reafirmau en Montevideo a suya firme determinación ta ixamplar a cooperación rechional en lo tocant a las tecnolochías d’a información y d’as comunicacions.

Tamién i subrayoron o suyo compromís ta continar enantando en as metas establidas en o Plan d’Acción sobre a Sociedat d’a Información y o Conoiximiento en ixa rechión, que s’aprebó en Lima en 2010 y que considera a ixas tecnolochías como instrumentos de desembolique y inclusión social.

En a declaración final, os representants d’os quince paises que i participoron tamién destacoron a importancia que tien ixamplar a economía dichital como elemento clau d’a transformación productiva.

Antimás, decidioron de refusar toda pretensión d’apropiar-se, sin o debiu consentimiento d’os paises d’a rechión d’as denominacions Amazonía y Patagonia en qualsiquier luenga, asinas como qualsiquier atro dominio referiu a nombres cheograficos, historicos, culturals u naturals.

Os paises firmants d’a Declaración de Montevideo tamién alcordoron continar enfortindo a cooperación con actors extrarechionals y reconoixioron a faina y a importancia d’a CEPAL ta continar enantando dica conseguir as metas establidas en o Plan d’Acción.

 

Fuent: http://www.cronicadearagon.es/wordpress/?p=39888

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.