L’ature creixe en Aragón un 2% y plega dica os 94.701 aturaus

Uesca ye a provincia an que más creixe, 1040 auturaus más, debant d'os 644 de Zaragoza y d'os 302 de Teruel

L’ature contina creixendo en Aragón. O dato adebantau iste mes por o ministerio espanyol de Triballo da una cifra de 94.701 aturaus en o país, puyando un 2,14% dende o mes anterior. Por provincias, Uesca ye la más afectada. Más d’a meitat d’os nuevos aturaus aragoneses son de Uesca.

Por sectors, y con o fin d’a temporada, ye o sector turistico o que más nuevos rechistraus en a oficina de l’ature presenta, en as tres demarcacions. En a demarcación de Uesca tamién l’agricultura, con más de 350 nuevos aturaus presenta una cifra altera.

En Espanya, a cifra d’aturaus plega dica os 4.226.744, con o rechistro de 95.817 aturaus mas y un creximient dende o zaguer mes d’un 2,32%.

Fuent: http://www.tt.mtin.es/periodico/laboral/201110/SEPTIEMBREavance.pdf

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.