L’ature no deixa de puyar: 1.468 personas mas esqueferadas en Aragón

En l'Estau espanyol a cifra plega en 5.040.222 personas

Oficina de l'INAEM (Foto: D.Ch.A.)

Oficina de l’INAEM (Foto: D.Ch.A.)

Contina puyando o drama de l’ature en Aragón y en a resta de l’Estau espanyol. En Aragón 1.468 personas mas han iu t’as filas de l’INAEM mientres iste pasau mes de febrero. O numero total de personas esqueferadas en Aragón plega en 116.173, un 7,65% mas que no o mesmo mes de l’anyo pasau. Por provincias, en Zaragoza, l’ature puyó en 1.288 personas, un 1,48 % mas que no en chinero, en Teruel, 178 personas mas, un 1,57 % y en Uesca, nomás puyó en 2 personas mas, un 0,01 %.

O numero de personas afiliadas a la Seguridat Social baixó en 1.492 personas, un 0,39 % menos respective a chinero, deixando a cifra total de cotizants en 494.441.

En l’Estau espanyol a cifra de personas esqueferadas puya t’os 5.040.222, crebando a muga d’os cinco millons por primer vegada seguntes os datos d’o Ministerio d’Emplego y Seguridat Social. Son 328.124 personas mas, un 6,96 % respective a febrero de 2012. L’ature puya en totz os sectors y en totz dos sexos, una mica mas en os hombres.

Una rispuesta a L’ature no deixa de puyar: 1.468 personas mas esqueferadas en Aragón

  1. Tornan os 50 sinyors y sinyoras !

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.