L’ature puya en más de 3.000 personas

Ya bi ha más de 100.000 aturaus. A construcción ye o unico sector que no puya.

Oficina de l'INAEM (Foto: D.Ch.A.)

Oficina de l’INAEM (Foto: D.Ch.A.)

102.153 ye o total de personas aturadas en Aragón seguntes os datos que ha ufierto lo Servicio Publico de Treballo Estatal. Iste dato suposa un aumento en más de 3.000 personas respecto a lo mes anterior, un 3, 36%. Mirando-se os datos interanyals, a cifra ha baixau en 8.679 personas, una baixada d’un 7,35 %.

Por provincias, en Teruel puya un 0,52 % (49 personas), Uesca un 1,98% (258 personas) y en Zaragoza un 3,94% (3.010 personas). Cuanto a los sectors d’actividat l’atura baixa en a construcción un 2,35 % entre que puya en servicios (4,35%), industria (0,30%) y agricultura un 12,81%.  Os datos interanyals baixan en totz os sectors fueras de l’agricultura. Contrucción un 19,78%, industria un 12, 61%, y servicios un 6,92%.

Cuanto a lo chenero, l’ature puyó entre as mullers en un 3,98%, entre que en os hombres l’aumento estió d’o 2,67%. Por edatz, os chovens menors de 25 anyadas y as mullers entre os 25 y os 44 anyos tienen os millors numers, baixando un 8,03% y un 13,21% respectivament.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.