L’ature puyó en Aragón un 0,21% en chuliol

O Ministerio d'Emplego y Seguridat Social ha dau a conoixer as suyas cifras d'ature en l'Estau espanyol. Aragón ye l'unico territorio a on puya l'ature

inaemAs cifras d’ature en chuliol no han estau buenas con Aragón, a on creixió o numero de personas esqueferadas en 233, un 0,21% mas. O total de personas en situación de desemplego se sitúa en 110.262, un 5,24% mas. Mientres que en as provincias de Uesca y Teruel l’ature baixó un 0,65% (-111) y un 1,06% (-97) respectivament, en Zaragoza puyó un 0,52% (+441). Respective a chuliol de l’anyo pasau, as cifras de l’ature han puyau un 6,24% (6.478 personas mas).

Por sectors, l’ature baixó en construcción y industria, pero puyó en servicios, agricultura y esqueferaus sin anterior treballo. Destaca a puyada d’esqueferaus y esqueferadas en o sector educativo (1.385 personas mas).

Respective a os contractos sinyaus, n’i habió 6.468 mas que no en chunyo, agora que, destaca como ye habitual a temporalidat d’ixos achustes laborals (42.843 temporals por 2.452 fixos).

En a resta de l’Estau, l’ature baixó en 64.866 personas (-1,36%), deixando a cifra total en 4.698.814. Baixó en totz os sectors, fueras d’o colectivo sin treballo anterior. Destacan tamién os contractos temporals.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.