L’ature rechistrau puya un 3,79 % en o mes de chinero

Bi ha 114.705 personas rechistradas en o l'ature

Oficina de l'INAEM en Zaragoza (Foto: Aragón Sostenible)

Oficina de l’INAEM en Zaragoza (Foto: Aragón Sostenible)

Seguntes os datos ufiertos por o Servicio Publico d’Emplego Estatal, Aragón rechistró en o mes de chinero 114.705 personas esqueferadas, 4.184 más que en o mes d’aviento, lo que fa un 3,79 % más. En cifras interanyals son 8.952 personas más en l’ature, lo que fa un 8,47% de puyada.

L’analís d’os datos por provincias amuestra una puyada en o porcentache d’esqueferaus muito parellano en as tres. En Uesca d’o 4,52% (702 personas más), en Teruel d’o 4,94% (535 más) y en Zaragoza d’o 3,50% (2.947 más). Uesca ye a que menos baixada interanyal sufre, de un 5,49% (845 personas), entre que en Zaragoza plega a o 8,91 % (7,128 personas) y en Teruel dica o 9,43% (979 más).

Cuanto a las dembas d’actividatz, bi ha una chiqueta baixada en Agricultura d’un 0,60%, entre que puyan Servicios (+5,07%), Industria (+1,47%) y Construcción (+3,85%). Por cheneros, entre as mullers a puyada estió d’o 4,49% y entre os hombres d’o 3,11%.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.