L’ature rechistrau puyó en Aragón un 0,59 por cient mientres o pasau mes de marzo

O numero de desemplegaus se sitúa en 116.855 personas, 682 mas que no en o mes pasau

paro-aragon2

Foto: Gubierno d’Aragón

Seguntes os datos ufrius por o Servicio Publico d’Emplego Estatal, Aragón rechistró en o mes de marzo 116.855 personas esqueferadas, 682 mas que no en o mes anterior, o que suposa un 0,59% mas.

L’analís d’os datos por provincias amuestra un descenso en o numero d’esqueferaus en Uesca y Teruel con un –0,10% y –0,17% respectivament, mientres que en Zaragoza aumenta un 0,81%.

Por o que fa a os sectors d’actividat puyan totz os sectors. Industria un 0,72%, Construcción un 0,05%, Agricultura un 3,29% y Servicios un 0,34%.

Si l’analís d’os datos se realiza en función d’o chenero, as mullers rechistroron un aumento d’o 0,37% y os hombres un aumento d’o 0,80%.

Lichera baixada estatal

En computo estatal, o numero de demandants d’emplego a zaguers d’o mes de marzo yera de 5.035.243 personas, 4.979 menos que no o mes anterior. Ista reducción d’o 0,10% ye o primer descenso de l’ature rechistrau en un mes de marzo dende 2008, y contrasta significativament con o dato de 2012, en o qual aumentó en 38.769 personas.

Fuent: http://www.cronicadearagon.es/wordpress/?p=39634

Una rispuesta a L’ature rechistrau puyó en Aragón un 0,59 por cient mientres o pasau mes de marzo

  1. Pingback: L’ature puyó en Aragón un 0,59 por cient mientres o pasau mes de marzo | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.