L’ature s’incrementa en 2.461 personas mas en Aragón en setiembre

O mes de setiembre no deixó buenas noticias respective a las cifras de l'ature. 2.461 personas mas (un 2,36%) son en as listas de l'INAEM

2.461 personas mas han pasau a formar parti d’as listas de l’INAEM en Aragón mientres o pasau mes de setiembre, o que deixa una puyada d’un 2,36%, con un total de 106.830 personas esqueferadas. Respective a o mesmo mes de l’anyo pasau, a cifra ha puyau un 12,81%.

En Uesca, 1.198 personas han perdiu o suyo treballo, un 8,30% mas, en Teruel han estau 387 personas mas esqueferadas, un 3,94%, mientres en Zaragoza ye a on ha puyau menos porcentualment, un 1,09%, 876 personas mas sin treballo.

Por sectors, l’ature ha disminuyiu en a construcción y en a industria (142 y 78 personas menos respectivament), mientres que ha puyau en a resta (servicios, 1.805 personas mas; agricultura, 563 personas mas; sin treballo anterior, 313 personas mas).

Por sexos, as 106.830 personas esqueferadas se trestallan en 53.506 mujeres y 53.324 hombres, y en o caso d’o colectivo de menors de 25 anyos, i hai un total de 12.439 esqueferaus en Aragón, a mayoría hombres. O colectivo d’extranchers en ature tamién ha puyau, 601 personas mas, encara que a variación respective a l’anyo pasau ha baixau en 378 personas.

Os contractos que s’han realizau han estau 36.947, a gran mayoría temporals (34.016), encara que respective a setiembre de l’anyo pasau, istos s’han reduciu en 2.562 mientres que os indefinius han puyau en 257.

En o conchunto de l’Estau espanyol, l’ature ha puyau en 79.645 personas, un 1,72% mas, puyando a cifra dica superar os 4,7 millons de personas, un incremento respective a setiembre de 2011 de 478.535 personas, un 11,3%.

Una rispuesta a L’ature s’incrementa en 2.461 personas mas en Aragón en setiembre

  1. Pingback: L’ature s’incrementa en 2.461 personas mas en Aragón en setiembre | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.