L’aturo en chunio en Aragón desciende en 40.24 personas, un 4,8% menos

A disminución respective a o mesmo mes de l'anyo 2015 ye de 13.767 personas, un 14,8% en taxa anual

ATURO RECHISTRAU

inaem-300x225L’aturo rechistrau en Aragón entre o mes de chunio ha experimentau un descenso d’o 4,8% respective a mayo, seguntes os datos que ha feito publicos hue o Servicio Publico d’Emplego Estatal, de traza que a Comunidat Autonoma contaba en finalizar chunio con 79.062 aturaus rechistraus en as usinas publicas d’emplego, 4.024 personas menos que en mayo. Retrospectivament, se tracta d’a mayor taxa de caita mensual de l’aturo rechistrau dende 2006, antes de encetar-se a crisi.

Respective a o mesmo mes de 2015, o descenso de l’aturo rechistrau en Aragón ha estau de 13.767 personas (-14,8% anual, a caita mas fuerte dende l’anyo 2000). En suma, l’aturo rechistrau continaba reduciendo-se en Aragón en o mes de chunio, tanto en termins mensuals como anuals.

En o conchunto d’Espanya o numero d’aturaus ha descendiu en o mes de chunio en 124.349 personas (-3,2%), situando a zifra total de desemplegaus en 3.767.054. En taxa interanual disminuye o 8,6% (-353.250).

En a resta de comunidatz, o descenso de l’aturo ha estau cheneralizau pero con menos intensidat. De feito, a Comunidat Autonoma aragonesa se situó como a segunda, dimpués d’as Islas Baleares (16,6%), siendo en ls que más descendió l’aturo respective a l’anyo pasau (14,8%).

En as comunidatz d’o entorno d’Aragón a variación mensual de l’aturo ha estau: una disminución d’o 4.3% en Cataluña, una caita d’o 3.7% en Navarra; y todas dos seguidas por la Comunidad Valenciana, con una reducción d’o 2,7%. Finalment, en el País Vasco, descendió un 2,4% y un -1,6% en La Rioja. En taxa mensual Aragón estió a quinta Comunidat Autonoma an mas descendió l’aturo en o mes de chunio (-4.8%).

EVOLUCIÓN MENSUAL

A disminución de l’aturo rechistrau en chunio favoreixió particularment a os hombres, con 2.427 aturaus menos que en mayo (-6,7% mensual), mientres que entre as mullers se produció una disminución d’1.597 aturadas (-3,4% mensual).

Por tramos d’edat, a reducción de l’aturo se concentró en a francha central d’edat, ya que os aturaus entre 25 y 44 anyos descendieron en 2.039 personas (-5,6% mensual), encara que o ritmo de caita estió tamién notable entre os menors de 25 anyos, an se rechistroron 611 aturaus menos (-7,8% mensual). Por a suya parte, os aturaus de mas de 45 anyos rechistroron una sensible caita d’1.374 personas (-3,5% mensual).

Atendendo a l’analís provincial, l’aturo rechistrau descendió en chunio en totz os casos. Asinas, o numero d’aturaus se redució en 627 personas en Uesca (-5,7% mensual), 377 personas en Teruel (-4,9% mensual) y en 3.020 personas en Zaragoza (-4,7% mensual).

Por lo que fa a os sectors productivos, tamién aconsiguió a totz ells en chunio a caita de l’aturo en Aragón. Atendendo a las zifras absolutas, a mayor reducción se produció en servicios, con 2.119 aturaus menos que en mayo (-3,9% mensual), seguiu d’agricultura con 633 aturaus menos (-13,7% mensual). Contino se situó a industria, con una disminución de 624 personas aturadas (-6,3% mensual), mientres en construcción o numero d’aturaus se redució en 459 personas (-6,4% mensual). Por zaguer, tamién disminuyó o colectivo d’aturaus sin emplego anterior, con 189 personas menos que en mayo (-2,5% mensual).

EVOLUCIÓN ANUAL

Por comparanza con o mes de chunio de 2015, l’aturo rechistrau en Aragón disminuyó tamién de forma cheneralizada, en totz dos sexos, en totz os sectors productivos y en as tres provincias.
Asinas, atendendo a o chenero, l’aturo disminuyó con mayor intensidat en o colectivo masculín, que rechistró una fuerte caita de 8.337 aturaus (-19,8% anual), encara que entre as mullers tamién descendió de forma muit relevant, con 5.430 aturadas menos (-10,7% anual).

Por sectors d’actividat, o mayor descenso anual en o numero d’aturaus rechistraus se contabilizó en servicios, con 7.366 aturaus menos que un anyo antes (-12,5% anual). Con zifras absolutas similars, en a construcción l’aturo disminuyó en 2.141 personas (-24,1% anual), mientres en industria a reducción estió de 2.104 aturaus (-18,4% anual). En agricultura o descenso estió de 915 personas en un anyo (-18,7% anual). Ta finalizar, o colectivo d’aturaus sin emplego anterior tamién disminuyó en chunio en comparanza interanual, rechistrando 1.241 personas menos que en chunio de 2015 (-14,2% anual).

CONTRATACIÓN

O numero de contractos rechistraus en chunio de 2016 en Aragón ascendió a 60.215, ye dicir 3.372 mas que en mayo (5,9% mensual) y 7.594 mas que en o mesmo mes de l’anyo anterior (14,4% anual).

En o conchunto d’Espanya con un total d’1.920.340 contractos s’ha produciu un aumento de contratación en o mes (9,8%; 171.891), y s’ha dau un aumento respective a las zifras de 2015 (11,3%; 194.223).

Por chenero, a contratación d’iste mes en Aragón se distribuye en un 57,9% t’os varones y un 42,1% t’as mullers. Por edat, as personas entre 25 y 44 anyos han *suscrito o 55,8% d’os contractos; as de 45 u mas anyos o 23,9% y as menors de 25 o 20,3% restante.

A contratación indefinida en chunio aconsiguió as 4.442 sinyaturas en a Comunidat Autonoma, 11 contractos menos que en mayo (-0,3% mensual) pero 737 mas que en chunio de 2015 (19,9% anual). Iste tipo de contratación represienta o 7,4% d’os contractos sinyaus en chunio en Aragón. En o conchunto nacional han aumentau un 1.8% (2.635) y un 17,0% (21.539) en l’anyo, quedando en 148.395 rúbricas, que o suyo peso sobre a contratación total ye d’o 7,7%.

Por a suya parte, s’han sinyau en chunio un total de 55.773 contractos temporals en Aragón, zifra superior en 3.383 sinyaturas a la rechistrada en o mes de mayo (6,5% mensual) y superior tamién en 6.857 contractos a la experimentada un anyo antes (14,0% anual). O peso d’ista modalidat contractual ha estau d’o 92,6% sobre o total de contractos d’Aragón en chunio. En o conchunto nacional han aumentau en taxa mensual (10,6%; 169.256) y s’han *incrementado en taxa interanual (10,8%; 172.684), quedando o total de contractos temporals ta Espanya en 1.771.945.

Por provincias, o millor comportamiento mensual en chunio l’experimenta Zaragoza, an o numero de contractos aumentó un 8,5% respective a mayo, mientres que en Uesca o incremento estió d’un 0,1% mensual. En sentiu contrario, en Teruel a contratación disminuyó en chunio un 4,5% por comparanza con mayo.

Si comparamos os datos con os de fa un anyo, o mayor incremento s’observa en Zaragoza (17,0% anual), seguida de Uesca (10,7% anual), mientres en Teruel se produció un descenso de l’1,3% anual.

AFILIACIÓN A LA SEGURANZA SOCIAL

En Aragón, l’afiliación meya a la Seguranza Social en chunio aumentó en 8.749 personas, l’1,7%, con o que a zifra de afiliaus se sitúa en 540.312. Respective a o mesmo mes de l’anyo anterior l’afiliación ha creixiu en 13.959 (2,7%).

Por a suya parte, en o conchunto nacional, l’afiliación meya a la Seguranza Social en chunio aumentó en 98.432 personas, o 0,6%, con o que son 17.760.271 afiliaus, ye dicir, 503.876 mas que un anyo antes (2,9%).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.