L’Audiencia de Zaragoza entiende que a protesta d’os tuppers de Marea Verda no estió delito

Os cinco imputaus serían condenaus a pagar una pinyora si estasen condenaus, en cuenta de a seis anyos de prisión

Aición tupper d'o pasau 12 de chinero (Foto: El ventano)

Aición tupper d’o pasau 12 de chinero (Foto: El ventano)

L’Audiencia Provincial de Zaragoza ha resuelto que a protesta con tuppers convocada por Marea Verda en chinero pasau en a carrera do vive a consellera d’Educación, Dolores Serrat, no estió constitutiva de delito. Os cinco imputaus por aquella acción serán chudgaus en un chuicio de faltas.

O tribunal ha resuelto asinas os recursos que presentó a Fiscalía, que solicitaba que a protesta estase enchuiciada como un presunto delito d’atentau u de coaccions, y os advogaus d’os cinco imputaus, que demandoron o sobreseimiento d’as actuacions.

Todas dos partes heban recurriu a decisión d’o machistrau d’o Chudgau d’Instrucción numero 9 de Zaragoza de transformar as dilichencias en que s’investigaba o escrache en un chuicio de faltas.

Con ista decisión de l’Audiencia os imputaus pueden estar condenaus a una pinyora, en cuenta de a seis anyos de prisión si s’hese aprebau o recurso d’a Fiscalía.

L’acto consistió en a elaboración d’un ‘arbol de tuppers’ en una farola frent a o domicilio d’a consellera, en una carrera centrica de Zaragoza, ta protestar por os retalles d’o Gubierno aragonés en as becas de minchador, en que i participoron medio centenar de personas.

Fuent: http://elventano.blogspot.com.es/2013/10/la-audiencia-de-zaragoza-entiende-que.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.