L’audiencia espanyola prencipia a chuzgar a Bankia

O chuez ha de decidir si intervien chudicialment.

Rodrigo Rato, con atros seis fundadors de Bankia (Foto: Anticapitalistes.net)

Rodrigo Rato, con atros seis fundadors de Bankia (Foto: Anticapitalistes.net)

Hue prencipian as deliberacions chudicials sobre o caso. O chuez de l’Audiencia Nacional espanyola, Fernando Andreu, ha de decidir si tira enta debant a demanda d’intervención chudicial. Andreu admitió a tramite a querella presentada por UPyD contra trentaitres ex-miembros d’o consello d’administración de Bankia y, seis diyas dimpués, la que presentó lo movimiento d’o 15-M contra os mesmos trentaitres y contra la entidat en cheneral.En a vista, a puerta trancada, bi habrá representants de Bankia, como entidat y persona churidica, a branca BFA, banco financier d’estalbio, os dos querellants, dos representant legals d’os imputaus y a fiscalía anticorrupción, que ya s’ha manifestau en contra d’a intervención.

Encara que a fiscalía no’n yera partidaria, o chuez decidió de clamar a declarar a trentaitres miembros d’o consello d’administración de Bankia. Entre istos, alavez, habrán de declarar l’ex-ministro d’economía d’os gubiernos d’Aznar, Rodrigo Rato, l’ex-president de Bancaixa, José Luís Olivas, president temporal d’a Generalitat, y l’ex-ministro d’Interior d’o gubierno espanyol Ángel Acebes.

Fuent: http://www.vilaweb.cat/noticia/4029957/20120723/laudiencia-espanyola-comenca-jutjar-bankia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.