L’Audiencia Nacional anula l’ERE de Coca Cola

O tribunal espanyol obliga a la readmisión de 1.500 personas y a o pago d'os suyos chornals mientres iste tiempo

Protesta d'as y d'os treballadors de Coca-Cola

Protesta d’as y d’os treballadors de Coca-Cola

L’Audiencia Nacional ha declarau nulo l’ERE de Coca Cola y obliga en a suya sentencia a readmitir a las y os 1.500 treballadors afectaus y a o pago d’os chornals deixaus de percibir iste tiempo.

O chuicio se celebró o pasau martes en l’Audiencia por a impugnación d’o Expedient de Regulación d’Emplego (ERE) en Coca Cola Iberian Partners, que suposó o zarre de quatro plantas.

Seguntes informa eldiario.es, por un costau, l’Audiencia critica a traza en que a interpresa aplicó l’ERE; por unatro, concluye que i habió “vicios” en a voluntat d’os treballadors que acceptoron voluntariament incluir-se en a lista de forachitaus u d’afectaus por midas de mobilidat. O fallo puede recurrir-se debant d’o Tribunal Supremo.

En as zagueras semanas, a Inspección de Treballo ha ubierto dos expedients sancionadors a la interpresa por vulnerar o dreito de vaga d’os suyos treballadors.

Fuent: http://arainfo.org/2014/06/la-audiencia-nacional-anula-el-ere-de-coca-cola/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.