L’Audiencia Nacional espanyola absolve a os acusaus por o bloqueu d’o Parlament en 2011

Nomás en condena a uno a quatre días de localización permanent por una falta de danyos

Foto: Daniel Aguilar (CC-BY-SA)

Foto: Daniel Aguilar (CC-BY-SA)

L’Audiencia Nacional espanyola ha absuelto a deciueito d’os acusaus d’haber bloquiau o Parlament catalán o 15 de chunyo de 2011. Os encausaus se concaraban a penas de dica ueito anyos y medio de prisión por delitos contra institucions d’o estau, por haber dificultau a entrada d’os diputaus a la camara. Pero os chueces Fernando Grande Marlaska, Manuela Fernández de Prado y Ramón Sáez Valcárcel tant solament han condenau a un d’os acusaus por una falta de danyos. Lo condena a quatre días de localización permanent por haber feito una pintada en a chaqueta d’a diputada d’o PSC, Montserrat Tura. Unatro d’os acusaus no ha compareixiu a o chuicio y se troba en situación de busca y captura.

O 15 de chunyo de 2011, o movimiento 15-M convocó una concentración arredol d’o parque d’a Ciutadella con o proposito d’empachar o pleno d’o Parlament. Os manifestants quereban protestar por o desaloixo de l’acampada de plaza Catalunya pocas semanas antes y tamién contra l’aprebación inicial d’o presupuesto prorrogau d’a Generalitat. Aquell maitín d’o 15 de chunyo se vivioron intensos enfrontinamientos entre os mossos d’esquadra y beluns d’os concentraus.

Fuent: http://www.vilaweb.cat/noticia/4202280/20140707/laudiencia-espanyola-absol-acusats-blocatge-parlament-2011.html

Una rispuesta a L’Audiencia Nacional espanyola absolve a os acusaus por o bloqueu d’o Parlament en 2011

  1. Pingback: L’Audiencia Nacional espanyola absolve a os acusaus por o bloqueu d’o Parlament catalán en 2011 » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.