L’Audiencia Nacional no vei delito en a convocatoria d’o 25S

Pedra crei que no s'ha de coartar a libertat d'expresión,encara que "mesmo metan en qüestión o marco constitucional", "más que más debant d'a convenida decadencia d'a clamada clase politica".

Cinco imputaus difuera de l'Audiencia (Foto: H. Juanatey ta eldiario.es)

Cinco imputaus difuera de l’Audiencia (Foto: H. Juanatey ta eldiario.es)

O chuez Pedraz ha archivau a causa ubierta contra 8 d’os promotors d’a convocatoria Ocupa el Congreso que clamada a rodiar o parlamento o 25 de seitembre. L’Audiencia Nacional desestima os cargos contra ells por presuntos delitos contra altas institucions de l’Estau y los deixar en libertat sin cargos.

O chuez considera que “no consta que a garra diputau se le haiga empachau de salir d’0 Congreso” mientres o 25S y que en as actas de l’hemiciclo se contrimuestra que no bi ha “mica alteración d’o funcionamiento normal d’a sesión” que ixe diya se i feba.

Pedraz, d’ista traza antimás de prenunciar-se sobre o caracter d’a convocatoria, valura a manifestación mesma. L’auto admite que se agaforon “instrumentros periglosos” como “adoquins u un mallo” pero “no por ixo cal deducir que ixos instrumentos periglosos estasen ta dentrar en o Congreso”, diz l’auto. En tot caso, i adhibe, yeran pensaus ta estar “emplegaus contra a policía.

Jesús Díez, un d’os advogaus que ha acmompanyau a los imputaus en a cambra, ha explicau en salir d’a breu presa de declaración, que o chuez Santiago Pedraz ha preguntau a los imputaus “si de verdat teneban intención de organziar un asalto t’o Congreso”, a lo que ells han contestau que no, remerando “o caracter pacifico” de l’acción. O fiscal ha insistiu en a terminolochía d’a convocatoria, que clamaba a “ocupar o Congreso”, aspecto que o machistrau no ha considerau prou t’alazetar un delito contra as institucions de l’Estau.

Pedraz argumenta que fer servir ixa terminolochía “de garra traza puet estar constitutivo de delito” porque ixo “atentaría de traza esclatera contra o dreito alazetal de libertat d’expresión” y que “no se puet viedar o afalago y a esfensa de ideyas o doctrinas, encara que istas s’aluenyen u mesmo faigan qüestionar o marco constitucional”. Sobre tot, diz Pedraz, “debant d’a convenida decadencia d’a clamada clase politica”.

Istas 8 personas, entre qui bi yeran tamién dos d’os manifestants que desplegoron una pancarta mientres a manifestación d’o 15 de setiembre a on que se podeba leyer “Rodia lo Congreso”, participoron en qualques asambleyas y reunions de paranza d’a Coordinadera 25-S. Dimpués d’un seguimiento policial, que consta en o sumario, y identificacions por eixemplo en o Parque d’o Retiro de Madrid, l’Audiencia Nacional imputó a istas personas por “promover” una acción que a policía entendeba como presuntament delictiva, a manifestación d’o 25-S, a tamás de que encara no se heba feito.
 Auto d’o chuez Pedraz sobre os promotors d’o 25S

Fuent: http://www.eldiario.es/politica/Audiencia-Nacional-libertad-cargos-promotores_0_54594686.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.