L’aula de cine d’o Campus de Uesca adedica un ciclo a Ben Hecht

Ben Hecht ganó un Oscar a lo millor guión orichinal por Wuthering Heights (Tucas borrascosas)

Wutheringheights1939L’aula de cine d’o Campus de Uesca adedica un ciclo a lo guionista d’Estaus Unius Ben Hecht. Iste periodista y escritor, un d’os más populars d’os tiempos clasicos de Hollywood, y o primer en conseguir un Oscar a lo Millor Guión Orichinal, treballó en obras como Wuthering Heights (Tucas borrascosas), Gone with the wind (Iu con o viento), Duel in the sun (Duelo baixo o sol) u Cleopatra. Scarface, de Howard Haws, ubre as procheccions iste miercols a las 19:30 en a Facultat d’Intepresa y Chestión Publica (Plaza d’a Constitución, 2). Atras siet cintas, feitas entre as anyadas 30 y 50 por directos com0o  Ernst Lubitsch, Otto Preminger, Henry Hathaway o William Wyler, completarán a programación, en os lunes y miercols d’o mes de febrero.

Dimpués de Scarface (1932), obra sinyalera d’o cine negro y que o guión suyo estió escrito por Hecht en nomas 11 diyas, se prochectarán, ya en febrer, as comeyas Design for living (1933, Una mujer para dos, en a versión en castellano) de Ernst Lubitsch, y Nothing Sacred (1937, La reina de Nueva York, en a versión en castellano), de William A. Wellman. O ciclo continará con Wuthering Height, The black swan (O cisne negro), Kiss of death (O pochón d’a muerte) y Ride the pink horse (Persecución en la noche, en a versión en castellano) y Where the sidewalk ends (Al borde del peligro en a versión en castellano).

Toda a información sobre o ciclo y as cintas se puet consultar en a web d’o campus.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.