L’autopista AP68 será bonificada dica Tudela

O nuevo alcuerdo aconseguiu con a concesionaria de l'autopista (Abertis) substituyirá a o que se sinyó o pasau 27 d'aviento

La_autopista_AP68_estara_bonificada_hasta_Tudela_50203O Gubierno d’Aragón y Abertis, a concesionaria de l’autopista AP68, han plegau a un nuevo alcuerdo ta estendillar as bonificacions que afectan a os vehíclos pesaus dica o tramo que connecta ista autopista con Tudela. D’ista traza, s’ixampla o convenio a o que plegoron as dos partes en o cabo de 2012 ta eliminar trafico en a N-232 y a N-II y, d’ista traza, reducir a siniestralidad en as dos vías.

Tal como han confirmau fuents d’o Gubierno aragonés, iste nuevo convenio substituye a o sinyau o pasau 27 d’aviento “y suposará una ampliación d’o tramo pero no i habrá aumento de coste economico ta l’Executivo autonomo”. Tot porque se pagará en función d’o trafico que se traspase dende a N-232. Asinas, en total as midas que ye implantando l’Executivo autonomo ta vehíclos pesaus en as autopistas AP2 y AP68 suposarán, como maximo, un desembolso de 2,3 millons d’euros.

Con o nuevo alcuerdo aconseguiu entre Gubierno d’Aragón y Abertis, ya son varios os tramos d’autopista en Aragón que gozan de bella bonificación. Nomás en l’AP2 “existe gratuidat t’os vehíclos pesaus que circulen en o tramo Alfacharín-Pina d’Ebro y a bonificación d’o 50% t’o peache Alfacharín-Fraga. A ista mida se suman as bonificacions ta vehíclos lichers”, ha remerau Roberto Bermúdez de Castro, consellero de Presidencia de l’Executivo aragonés.

Seguridat vial

Tal como sinyalan dende o Gubierno, istas y atras midas adicionals tienen como obchectivo prencipal reducir a siniestralidat en as carreteras d’Aragón y amillorar a seguridat vial. Amás d’una zaguera inversión de quatro millons d’euros ta milloras d’o firme en diversos puntos d’Aragón, a DGA ha confirmau a sinyatura d’unatro convenio, en iste caso ta amillorar as carreteras que traviesan zonas urbanas.

En iste zaguer caso, Bermúdez de Castro ha detallau que se tracta d’un alcuerdo de colaboración con o Concello de Cella (Teruel) ta l’acondicionamiento d’a carretera A2-2515, a Travesía de Cella. O Gubierno invertirá en ella mas d’1,2 millons d’euros.

Fuent: http://www.aragon2.net/n-20784-2-autopista_AP68_estara_bonificada_hasta_Tudela

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.