L’autopsia confirma que una bala de goma mató a Íñigo Cabacas

A grada sur d'o campo de l'Osasuna queda vueda un quarto d'hora ta protestarpor a muerte d'o choven

Iñigo CabacasIñigo Cabacas Liceranzu, de 28 anyadas morió ahiere por causa d’o trucazo d’una bala de goma disparada por l’ertzaintza. Fuents amanadas a la familia han explicau que l’informe preliminar de l’autopsia confirma que a causa d’a muerte d’o choven, feriu o chueves en Bilbao, estió o trucazo d’a bala de goma que recibió en o tozuelo.

Cabacas resultó feriu o chueves mientres bells incidents que bi habió dimpués d’o partiu de l’Europa League entre l’Athletic y o Schalke 04. O choven recibió o truccazo d’una bala de goma en una enrestida d’a policía vasca y quedó en coma y feriu graument: tenió una fractura de crapacín con importants lesions en o celebro, que a la fin facioron que morise.

L’ertzaintza diz que recibió bellas trucadas avisando de que bi heba una persona semi-inconscient y sagrando y que quan i plegoron, en l’avenida María Díaz de Haro, les chitoron botellas y obchetos y que respondioron disparando balas de goma.

O debat sobre l’emplego d’as balas de goma ha chenerau muita controversia. Dende 1990, 23 personas han perdiu a vision en un uello por l’emplego d’ista munición. En chunio de l’anyada pasada, diferents meyos publicoron que a Comisión Europea obligaría a l’Estau espanyol a deixar de fer-las servir y t’a part d’alavez o Ministerio d’Interior dició que t’a fin de 2012 se viedaría o suyo emplego. Manimenos en os zaguers meses s’han feito servir prou asoben en as manifestacions y en a vada d’o pasau 29 de marzo.

 

Fuent: http://www.vilaweb.cat/noticia/4001488/20120410/lautopsia-confirma-bala-goma-matar-inigo-cabacas.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.