L’edificio d’o Concello de Zaragoza ferá campanya contra l’abstención en as eleccions europeas

Cinco edificios publicos en Cáceres, Leida, Santander, Sevilla y Zaragoza se iluminarán d'azul o venient sabado

Foto: Cronica d'Aragón

Foto: Cronica d’Aragón

A Oficina d’Información d’o Parlamento Europeu en Espanya ha trigau a cinco ciudatz ta tintar de color azula as fronteras d’atros tantos edificios publicos, incluindo-ie un clamamiento a la participación en as venients eleccions europeas d’o 25 de mayo.

A iluminación se ferá en Leida, Cáceres, Santander, Sevilla y Zaragoza o venient sabado 17 de mayo, de nueu a dotze d’a nueit. Os concellos d’as zaguers quatro ciudatz y a catedral de la Seu Vella de Leida serán os scenarios trigaus ta l’acción.

“Con ista iniciativa queremos fer plegar a los ciudadanos información sobre as venients eleccions europeas. Ye important que la conoixcan, que puedan prener a decisión debant d’as votacions d’o venient 25 de mayo”, asegura Ignacio Samper, director d’a Oficina d’Información d’o Parlamento Europeu en Espanya.

As procheccions de “eleccions europeas 25 de mayo” se ferán en o centro d’as ciudatz a nueit d’o sabado 17 ta coincidir con a uella curiosa de muitos chovens que gosan salir ixa nueit de cabo de semana. Son qui tienen, probablement, a primer oportunidat de fer servir o dreito de voto ta esleixir a los suyos representants europeus.

Ista iniciativa se suma a los esfuerzos de comunicación feitos por as institucions europeas t’amanar Europa a los ciudadans, más que más a los más chovens. As imachens que más truquen o ficacio d’istas singulars procheccions en a carrera se replegarán en un video titolau “Ciudatz con mensache azul”, que s’ixemenará a traviés d’os retz socials, por as institucions europeas ta que totz recorden a cita electoral.

Fuent: http://www.cronicadearagon.es/wordpress/?p=49505

2 Rispuestas a L’edificio d’o Concello de Zaragoza ferá campanya contra l’abstención en as eleccions europeas

  1. Dabi Lahiguera

    A casa d’a ciudat?

    • Sí, o edificio ye a Casa d’a Ciudat (en atros puestos, Casa d’a Villa, Casa d’o Lugar, etc.). Antes mas (encara que yeran en atro puesto) o edificio an que se reuniba o Concello de Zaragoza se clamaba as “Casas de la Ciudat”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.