L’emir de Qatar visita la Francha de Gaza

Ye o primer capeza d'Estau arabe que visita iste territorio palestino dende 2007

Hamad bin Khalifa Al Thani, emir de Qatar (Foto: Wikipedia)

Hamad bin Khalifa Al Thani, emir de Qatar (Foto: Wikipedia)

L’emir de Qatar visita a francha de Gaza, convertindo-se en o primer capeza d’Estau arabe que visita iste territorio palestino dende que o movimiento de cuchas Hamàs asumise o suyo control en 2007. A visita de l’emir de Qatar estió condenada por o reesleixiu president de l’ANP en Cischordania, Mahmud Abbas, y o suyo partiu de dreitas Al-Fatah.

O xec y tirano Hamad bin Khalifa al Thani viachó acompanyau d’a suya muller y una ampla delegación, que estió recibida en o paso muguero de Rafah, en a muga con Echipto, por o lider de Hamas en a redolada, Ismaïl Hania.

Oficialment l’emir bi va ta fer a devantadera de prochetos en a Francha. Qatar donó 245 millons de dolars ta pavimentar as carreteras y construyir-ie un hespital y bellas casas en un complexo urbanistico que leva o nombre de l’emir.

Fin de l’isolamiento?

Dende l’anvista diplomatica, a visita creba con l’isolamiento que heba sufriu Hamas dende que os suyos milicians forachitasen a la fuerza a los funcionarios de l’Autoridat Nacional Palestina (ANP) d’a Francha, lo que levó ta un trestallamiento interpalestino.

Hania, que plegó t’o cruce de Rafah a primer hora d’iste martes, calificó a visita d’historica y instó a atros liders arabes a ir-ie. Con aduya d’os altavoces d’as mezquitas, o movimiento islamista animó a los ciudadans a acudir t’a carretera principal ta saludar a l’emir en a suya breu visita de seis horas.

Muestras de gratitut

En as carreras principals d’ista estreita francha de territorio entre Israel y o Mediterranio  se metioron sinyal de Qatar y Hamas, asinas como a-saber-los cartels t’agradeixer a l’emirato a suya aduya politica y economica. Antimás bi ha fotos chigants d’Al Thani i Hania en os cruces d’a principal carretera que va dende Rafah dica a ciudat de Gaza.

Fuent: http://noticies.sirius.cat/2012/10/lemir-de-qatar-visita-la-franja-de-gaza.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.