L’escritor Javier Tomeo muere en Barcelona a os 80 anyos

L'escritor de Quicena moriba en Barcelona o sabado debiu a una infección hespitalaria. Deixa una obra postuma, "El amante bicolor"

JavierTomeo-200x300Javier Tomeo moriba o pasau sabado a la edat de 80 anyos en l’hespital Sagrado Corazón de Barcelona a on ingresó por un problema de sciatica, pero se complicó o suyo estau de salut por una infección hespitalaria, morindo quatre semanas dimpués d’o suyo ingreso. L’escritor aragonés será enterrecau en o fosal de Montjuic o mierques, a on son enterrecaus tamién sus pais.

Tomeo, un d’os mas imachinativos escritors actuals y considerau un referent d’o surrealismo, teneba una trentena de libros y novelas editadas, como “Amado monstruo”, “El cazador”, “El unicornio” u “El crimen del cine Oriente”. Fa un anyo publicó “Cuentos completos” pa Páginas de Espuma, y Anagrama publicará “El amante bicolor”, a zaguer obra que escribió Tomeo, recibida fa bell diya por ista editorial y que será publicada en prencipiar o venient anyo.

Diversas voces d’o mundo d’a cultura han manifestau a suya dolor por a perda de l’escritor, destacando a suya aportación a la cultura universal, estando considerau mesmo “o tercer referent d’o surrealismo aragonés“, dimpués de Goya y Buñuel, seguntes declaracions a EFE de José Luis Corral, president de l’Asociación Aragonesa d’Escritors.

Dende as institucions, a consellera d’Educacion y Cultura d’o Gubierno d’Aragón, Dolores Serrat lamentó a muerte de l’escritor, considerando que as letras aragonesas “pierden a un d’os suyos mas insignes representants“.

Tomeo naixió de Quicena en 1932 y se licenció en Dreito y Criminolochía en a Universidat de Barcelona. En os anyos cinquanta d’o pasau sieglo escribiba con o pseudonimo de Frank Keller. En 1971 consiguió o premio “Ciudat de Balbastro” con a suya novela “El unicornio”. Tamién ganó o Premio Aragón, maxima distinción aragonesa y en 2005 se le concedió a Medalla d’Oro d’a Ciudat de Zaragoza. Tomeo, a qui se le ha asociau con a literatura de Kafka, escribió narrativa y mesmo bella obra estió levada a o teatro.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.