L’espacio cicloturista d’a val de Maurienne, primer ganador de TuHuesca_Premia

Primer edición d'iste premio empentau por a sociedat turistica TuHuesca que pretende innovar y adaptar proposas turisticas en a provincia de Uesca

Foto: www.aragon2.net

O pasau viernes s’entregó o premio TuHuesca_Premia, entregau por a sociedat turistica d’a provincia uescana TuHuesca, que en a suya primer edición ha iu t’as mans d’un espacio cicloturista en a val alpina de Maurienne, que lo consideran o mayor d’o mundo. Ye un premio a la innovación turistica, que amás pretende adaptar as experiencias presentadas a la realidat turistica d’a provincia.

L’acto se celebró en as Bodegas Enate, en o Semontano, con a presencia de meya centena d’achents turisticos d’a provincia. Unos 340 achents turisticos votoron a traviés d’a web www.tuhuescapremia.com a las proposas finalistas, que podeban contar con votos positivos y negativos. As tres proposas finalistas han estau, amás d’o citau espacio cicloturista ganador, l’Hotel Botanico de Tenerife, y l’Hotel Zmar en Portugal. Amás s’ha reconoixiu a iniciativa mas popular (a que mas comentarios ha chenerau) que ha iu a l’Hotel Room Mate y o suyo fundador, Kike Sarasola.

TuHuesca_Premia ye un d’os once servicios d’a sociedat turistica TuHuesca, que tien l’obchectivo d’empentar a innovación en materia turistica y aplicar-la en a propia realidat d’a provincia.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.