L’estau francés anuncia la legalización d’os matrimonios entre personas d’o mesmo sexo

Se legalizará o matrimonio y l'adopción. Ista mida estió parti d'a campanya electoral de Hollande.

François Hollande (Foto: Parti Socialiste)

François Hollande (Foto: Parti Socialiste)

O primer ministro francés Jean-Marc Ayrault ha anunciau que o gubierno aprebará en a primer mitat de 2013 enamplar o dreito a lo matrimonio y l’adopción a todas as parellas, sin discriminación por a suya orientación sexual. Ista mida ye parti d’as proposas que fació François Hollande mientres a zaguer campanya electoral.

En un comunicau feito lo pasau cabo de semana, o chefe d’o gubierno francés ya declaró que “todas as administracions de l’Estau, as autoridatz administrativas independients, os funcionarios y os profesors serán sensibilizaus sobre l’obchetivo d’igualdat y de luita contra totz os prechuicios homofobos, que son l’alazet d’una violencia y d’una exclusión que no son tolerables”.

Tamién s’ha anunciau que o Executivo francés prenerá midas de refirme a los transexuals y, a ran internacional, promoverá a despenalización universal d’a homosexualidat.

Seguntes una encuesta publicada o pasau chiner, o 63% d’os franceses son a favor de que as parellas d’o mesmo sexo puedan casar-se y un 56% de que puedan adoptar ninos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.