L’estau francés legaliza o matrimonio homosexual

L'asamblyea francesa apreba o polemico prochecto de lei con o voto favorable de 331 diputaus y en contra de 225.

Manifestación d'o diya de l'argüello (Foto: Vilaweb)

Manifestación d’o diya de l’argüello (Foto: Vilaweb)

L’asambleya francesa aprebó iste martes o prochecto de lei que permite tanto lo matrimonio como l’adopción de ninos de man de parellas homosexuals. O “matrimonio ta totz”, como se l’ha clamau, tenió o refirme de 331 diputaus, y o voto en contra de 225. L’estau francés ye o catorceno d’o mundo que autoriza os matrimonios homosexuals, y o noveno d’Europa. A resolución plegaba dimpués de 136 horas de debat parlamentario y meteba la fin a una larga maratón parlamentaria que heba prencipiau o 7 de noviembre con a presentación d’un texto en o consello de ministros.

As enqüestas amuestran una mayoría chusta a favor d’0 matrimonio gay. Manimenos, os detractors facioron publico o suyo malestar o domingo, con una d’as manifestacions más grans vistas nunca en l’estau. Os movimientos que s’oposan a la unión legal entre parellas homosexuals ya han anunciau más movilizacions o 26 de mayo, diya d’a mai en Francia. Tamién s’aspera que en convoquen os esfensors d’os dreitos d’os homosexuals.

Dimpués d’aprebar-se en o senau o 12 d’abril, iste martes os diputaus de l’asambleya apreboron a norma en segunda lectura. Todas as collas de cuchas, fueras de bells quantos diputaus, votoron a favor d’a lei, presentada por a ministra de Chusticia, Christiane Taubira. Os partius de dreitas (l’UMP y os centristas de l’UDI), en votoron en contra, encara que bells diputaus s’abstenioron. A oposición ya ha anunciau que levará a normativa t’o Consello Constitucional, organismo que controla a constitucionalidat d’as leis.

Ista reforma social, un d’os caballos de baralla de Fraçois Hollande, ye la más funda en l’estau francés, dende que se sacase a pena de muerte en l’anyada 1981.

 

Fuent: http://www.vilaweb.cat/noticia/4108265/20130424/lestat-frances-legalitza-matrimoni-homosexual.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.