L’exercito d’Israel contina con as enrestidas en Gaza con bombardeyos dende mar y aire

En os cinco diyas de conflicto ya bi ha habiu una cinquentena de muertos y más de doscientos ferius.

Nino en enronas de Gaza en 2009 (Foto: Andreas H. Lunde)

Nino en enronas de Gaza en 2009 (Foto: Andreas H. Lunde)

Una atra nueit de bombardeyos en a Francha de Gaza, con dos ninos y un adulto muertos más , en a conoixida ya como ‘Pilar d’esfensa’ de l’exercito d’Israel. A os bombardeyos dende l’aire se i han sumau tamién os que s’han feito dende a mar, y que han impactau, entre atros puesto, en un edificio d’oficinas a on que treballa a televisión palestina y bells meyos internacionals. Dende o prencipio d’o conflicto, agora en fa cinco diyas, ya bi ha habiu quasi una cinquentena de muertos y más de doscientos ferius. A menaza d’una enrestida por tierra d’as tropas israelis contina vichent, entre que a comunidat internacional contina con una actividat diplomatica frenetica ta emparchar que s’ixample o conflicto.Una d’as condicions que imposa o gubierno d’Israel ta ordernar aturar o fuego ye que Hamas con chite más prochectils. Os zaguers chitaus han impactau en redoladas poco habitadas u son estaus interceptaus en l’aire por as baterías israelis. O primer ministro d’Israel, Benjamin Netanyahu, ha anunciau que s’han atacau dica agora más de mil obchetivos y ha avisau que o exercito se para ta un ‘important ixample d’as operacions’ en caso de que calese. De feito, ua s’han clamau a setanta y cinco mil reservstas que vinte mil ya s’heban desplegau ahiere en a muga con Gaza.

Entremistanto Echipto, país que ha aculliu una reunión d’urchencia d’a Liga Arabe, se ye convertindo en alguaza ta prebar de conseguir una tregua entre palestins y israelis. O suyo president, Mohamed Mursi, ha teniu charradas con a presidenta alemana Angela Merkel y o primer ministro turco, Recep Tayip Erdogan,  que ye en o país de visita oficial. Erdogan, antimás, se podría trobar en as venients horas con o mainate de Hamas en l’exilio, Khaled Meshal. O sabado tenió una charrada telefonica con o president d’os Estaus Unius d’America, Barack Obama, ta valurar a situación.

Fuent: http://www.vilaweb.cat/noticia/4056568/20121118/lexercit-israelia-mante-lofensiva-gaza-bombardeigs-mar-aire.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.