L’exercito echipcián convocará eleccions antis de chunio

A Chunta melitar controla lo pais y quereba continar en o poder dica o 2013

Un choven reculle piedras ta la baralla (Foto: Shadi Rahimi/Al Jazeera)

Un choven reculle piedras ta la baralla (Foto: Shadi Rahimi/Al Jazeera)

Dimpués que a plaza Tahrir torna-se a esdevenir campo de batalla, y d’a renuncia d’o gubierno, a Chunta Melitar que gubierna Echipto dimpués d’a salida de Mubarak ha decidiu fer un gubierno de concentración nacional y convocar eleccions presidencials antis d’o mes de chunio venient.

O terceno diya de baralla ha deixau 33 muertos y 1250 ferius. En o descontrol en que ha esdeveniu O Caire unatra vegada, o gubierno presentaba a renuncia que dimpués acceptaba a Chunta melitar que controla, de facto, o país. A oposición, fuera d’os Chirmans Musulmans, ha feito un clamamiento ta fer una gran manifestación d’un millon de presonas ta desichir a convocatoria d’eleccions, que os melitars han anunciau que serian ta chunio.

Dimpués d’ixas eleccions de chunio, os melitars deixaran paso a una presidencia civil, a qualcosa reclaman os partius d’a oposición, que no creyen reyalizaus os suyos suenios de libertat quan se devantoron contra Hosni Mubarak.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.