L’exercito echipcio aparta a l’islamista Mursi d’o poder y anuncia nuevas eleccions

L'exercito echipcio suspende a constitución y anuncia nuevas eleccions. A plaza Tahrir ye plena a caramuello

chefe exercito echiptoL’exercito echipcio ha anunciau que suspendeba a constitución, que o president Mohammed Mursi deixaba d’estar-ne, que lo relevaba o president d’o Tribunal Constitucional, que se formará un gubierno tecnocrata no partidista, y que se convocarán nuevas eleccions luego. Ista ye a fuella de ruta d’o golpe d’estau militar que ha anunciau o chefe de l’exercito acompanyau por o papa copto, o cheque d’Al-Azhar, o representant d’a oposición, Mohammed Al-Baradei, y qualques cabezas d’a revuelta d’a plaza Tahrir.

L’exercito echipcio s’ha desplegau ista tardi por as carreras d’O Caire poco dimpués d’haber-se acabau l’ultimatum que os militars heban dau a o president Mohammed Mursi pa que abandonase o poder. Os militars han ocupau tamién a televisión publica. Seguntes qualques fuents, os militars retienen a o president Mursi en un punto sin determinar. Iste aspecto, manimenos, no ha estau confirmau ni por os altos mandos de l’exercito y i hai una gran confusión informativa. Podetz seguir o seguimiento en directo de The Guardian. L’exercito tien intención d’empecipiar un proceso de transición d’entre 9 y 12 meses pa redactar una nueva constitución y pa convocar eleccions.

Mursi, antiparti, ha acusau repetidament a l’exercito de chenerar confusión por haber establiu un ultimatum y s’ha manteniu en o poder dica o zaguer momento, mesmo fendo una ufierta de zaguera hora: un gubierno d’unidat. Agora dengún no s’atrive a decir do se troba.

A revuelta echipcia, por tanto, s’ha chirau agora contra os Chirmans Musulmans, y mils de personas han tornau a ocupar a plaza Tahrir d’O Caire pa exichir a dimisión de Mursi, que fa tasament un anyo que ganó as eleccions. As protestas se fan porque manifestants y oposición consideran que s’han incumpliu as demandas democraticas que orichinoron a revuelta en 2011.

Fuent: http://www.vilaweb.cat/noticia/4131821/20130703/lexercit-desplega-caire-clima-maxima-tensio.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.