Libros dichitals de baldes en os transportes de Zaragoza

A campanya de bookcrossing dichital incluye o libro en aragonés "Luengas enreligatas"

Una-biblioteca-en-tu-manoDende o pasau 24 d’octobre os usuarios d’o transporte publico zaragozano pueden disfrutar d’una campanya de Bookcrossing dichital organizada por a Biblioteca ta Chovens Cubil, con siede fisica en a Zucrera. En cartels instalaus en os beires de tramvías y autobuses urbanos, os lectors pueden descargar-se con una aplicación lectora de codigos QR, cinco libros de tot de baldes. A enchaquia d’os organizadors d’ista liberación de libros dichitals ye «fomentar a lectura dichital y interactuar con os ciudadans y visitants de Zaragoza».

A campanya, que prencipió lo pasau 24 d’octobre, se prolargará dica o 24 de noviembre. Entre os libros que pueden descargar-se-ie bi’n ha uno en aragonés, «Luengas enreligatas, os relatos d’a Lola», escrito por Lola Dolç y publicau por Ara Cultural. A resta de libros que se i puet acceder son «Cocina rápida para tortugas», de Pepe Serrano (Ed. Nalvay), «El despertar del hombre selva», de Emilio Gastón (Ed. Eclipsados), «Citas célebres» d’a Editorial «Cordelería ilustrada» y «¡No te cueles!, respeta la fila», de Casa Eolo.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.