Libros en aragonés en o campus de Uesca

O campus altoaragonés aculle una exposición de libros en aragonés con motivo de l'enguero d'o Diploma d'Especialización en Luenga Araagonesa

Francho Nagore, Coordinador d'o Diploma d'Especialización en Filolochía Aragonesa.

O decano d’a Facultat de Ciencias Humanas y d’a Educación, José Domingo Dueñas y o director d’o nuevo Diploma d’Especialización en Filolochía Aragonesa, Francho Nagore inaugurón a muestra ahiere miercols 21 de setiembre en a siede d’a Facultat de Ciencias Humanas y d’a Educación (C/Valentín Carderera, 4). Bi estión acompanyaus por Marién Martín y José Manuel Ubé, risponsables d’as bibliotecas que empentan ista iniciativa.

A exposición cuenta con un primer bloque adedicau a la literatura, integrau por más de 600 obras de totz os cheneros y epocas, escritas en o romance aragonés -que podrán veyer-se en a Facultat de Ciencias Humanas y d’a Educación-; y con atro integrau por cuasi cient estudeos, ensayos, monografías, vocabularios y atras obras que s’han amanau en esferents etapas a ista luenga -que s’amostrará en a Facultat d’Interpresa y Chestión Publica-.

Domingo Miral, Ánchel Conte, Nieus Luzia Dueso u Victoria Nicolás; Siesso de Bolea, Mariano Peralta, Jerónimo Borao, Manuel Alvar, u Chesus Vázquez, son parti d’os autors que sinyan istas obras.

Fuent: http://www.unizar.es/actualidad/vernoticia.php?id=5508&idh=1866#

2 Rispuestas a Libros en aragonés en o campus de Uesca

  1. Lluis Xavier Flores Abat

    Parabiens a es organizadors d’ista iniciativa. Istas accions me pienso que no amenistan de grans inversions pero son mes que necesarias y muito efectivas ya que pueden arribar a muita chent d’una manera facil. Norabuena, de verdat. A viyer si ista exposicion puede trasladar-se a altros lugars de l’Alto Aragon, capitals comarcals y mes que mes a vals aon se parla l’aragones. Sereba muito constructiu ta’s parlants. Y tampoco no estareba mal que se podese veyer a Zaragoza y a Teruel mes enta devant. Cal espardir o conoximiento de l’aragones per tot Aragon y entre totz es aragoneses.

  2. Pingback: Humberto Vadillo torna ta twitter « Politica « Arredol - La Franja

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.