L’impacto d’un asteroide causó a zaguer Edat de Chelo fa 12.800 anyos

O estudio de nanodiamants muy proximos a la superficie terrestre indica un impacto extraterrestre fa 12.800 anyos

Imachen: NASA

Imachen: NASA

Un estudio d’a Universidat de Chicago ha confirmau a teoría que considera responsable d’a zaguer Edat de Chelo fa 12.800 anyos en a nuestra planeta a l’impacto d’un asteroide. Esta estrafalla provocó amás a extinción d’a-saber-las especies animals y vechetals. O estudio s’ha publicau en “Journal of Geology“.

Ista confirmación ha arribau dimpués d’o estudio detallau de nanodiamants en Europa, America d’o Norte y d’o Sud. Os nanodiamants son una mena de diamants que apareixen debiu a explosions, como a que provocó l’asteroide en o suyo impacto contra a Tierra. Son microscopicos y se formoron a temperaturas superiors a 2.200 ºC, ixamenaus en un terreno de 50 millons de km quadraus, mas que mas en o hemisferio norte.

Istos nanodiamants s’han trobau muit cerca d’a superficie terrestre, o que indica que escayeixió una detonación de grans proporcions, un impacto d’un asteroide extraterrestre. O estudio refusa, asinas mesmo, atras teorías d’a formación d’os nanodiamants, como grans incendios forestals y un aumento de l’actividat volcanica.

Debiu a iste impacto, a planeta sufrió un limpio cambio climatico que esdevenió en extincions masivas d’animals y grans descensos en as poblacions humanas arredol d’o mundo, sobretot en America.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.