L’impacto d’un meteorito en os Urals deixa centenars de ferius

Quan toda a planeta yera pendient d'o paso de l'asteroide DA14, a 'sorpresa' ha apareixiu en Rusia, a on o Ministerio d'Interior ha confirmau a caíta de dito elemento

meteorito UralesO Ministerio de l’Interior en Rusia ha confirmau a caíta d’un meteorito que ha ocasionau feridas a quantas personas por a crebadura de cristals de finestras dimpués de l’impacto de l’obchecto  que ha provocau una gran esclatada.

O meteorito ha caíto a uns 80 kilometros d’a ciudat de Satkí en a rechión rusa de Cheliábinsk en os monts Urals amán de Kazajstán. Seguntes as informacions aportadas por fuents ministerials, “i hai ferius en a escuela, 130 a causa d’a crebadura d’os cristals”. “Por o visto, cayoron fragmentos d’o meteorito en distintos puestos”, aseguran dende o Ministerio de l’Interior.

O suyo portavoz ha informau que no han aumentau os rans de radiación, que continan aintro d’os parametros normals en toda a rechión. A onda expansiva tamién ha feito blincar cristals en esferents viviendas d’a rechión. Tamién qualques meyos d’a zona sinyalan que os Urals han asistiu a un plevia de meteoritos, encara que posteriorment han estau correchius por fuents oficials que han explicau que “no ha estau una plevia de meteoritos, soque un meteorito que se desintegró en a capas baixas de l’atmosfera”.

Bells habitants compreboron antes de l’impacto que d’o cielo en cayeban obchectos ardients. Un d’os testigos ascuitó una gran esclatada y sintió a onda expansiva posterior dende un edificio de 19 plantas en o centro d’a ciudat mencionada.

Os trazos d’a suposada plevia de meteoritos han alcanzau ciudatz a uns 200 kilometros a o sudeste de Chelyabinsk.

Fuent: http://www.aragon2.net/n-20599-502-impacto_meteorito_Urales_deja_centenares_heridos

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.