L’Inaga apreba enamplar o refuchio d’Estós en Benás

En o nuevo edificio con totz os cambios i cullirán bellas 90 personas

O refuchio d'Estós (Foto: D.Ch.A.)

O refuchio d’Estós (Foto: D.Ch.A.)

A Directora de l’Instituto Aragonés de Chestión Ambiental Nuria Gayán, ha feito un informe favorable t’o prochecto ta enamplar y reformar o refuchio d’Estós, en Benás, situau a 1.890 metros d’altaria aintro d’o Parque Natural de Posets – Maladeta.

Iste informe favorable, que ya se ninvió t’o Concello de Benás, ye un requisito que cal ta que la Federación Aragonesa de Montanyismo pueda fer-ie una obras ta modernizar-lo y adaptar-lo t’as condicions minimas que agora exiche a normativa ta istos establimientos, cocretament, o Reglamento d’Ordenación d’Albergues y Refuchios como puestos turisticos.

A enampladura pende en dos arias de creiximiento d’o refuchuio apegadas a o mesmo, en as fronteras este y norte. O nuevo edificio reformau y enamplau tendrá tres plantas y una superficie util de 827 metros cuadraus. Agora en tien 443. Quan siga rematadas as obras i cullirán bellas 80 u 90 personas.

L’INAGA ha estudiau as afeccions meyoambientals d’istas obras y ha meso as midas correctoras ta restaurar de traza adeqüada as zonas que queden cambiadas mientres a fase de construcción, asinas como t’a correcta chestión d’os repuis que se i faigan. En l’informe tamién se obliga a que as obras se faigan difuera d’a puenda de reproducción d’o cluixiuesos, que ye entre o 1 d’aviento y o 30 d’abril, ta no fer estorbo a ista especie protechida.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.