L’informe de l’arquitecto chefe d’o concello de Zaragoza prescribe a retirada d’o Plan Especial presentau por Brial pa Averly

L'arquitecto chefe de l'Aria d'Urbanismo d'o concello zaragozano o Plan Especial incumple diversos parametros urbanisticos

averly-zaragoza-2-300x191Apudepa informa, en una nota de prensa, que o Concello de Zaragoza, a traviés de l’arquitecto chefe d’o servicio de planeamiento y rehabilitación de l’Aria d’Urbanismo, “ha prescrito a retirada d’o Plan Especial pa Averly presentau por a interpresa Brial en octubre de l’anyo pasau y a suya modificación substancial pa lo cumplimiento d’os parametros urbanisticos que en iste momento incumple”.

En a nota, Apudepa sinyala que as modificacions prescritas por l’informe de l’arquitecto chefe “no son en absoluto anecdoticas u menors sino tot lo contrario”. D’alcuerdo con os reparos que Apudepa ha veniu manifestando, o Concello considera agora que o Plan Especial incumple parametros urbanisticos tant elementals como o d’as altarias d’as edificacions, que en iste caso sobreixen con muito a muga fixada por a planificación urbanistica. L’informe para cuenta tamién en atras qüestions como os dreitos de servidumbre ostentaus por os propietarios d’os predios vecins y a distribución d’as viviendas de protección oficial.

L’arquitecto chefe, que no da por feita l’aprebación d’o Plan Especial, concluye que “si a Corporación atorga l’aprebación inicial a o prochecto de plan especial pa la ordinación de l’aria d’intervención E-19, procederá a imposar as prescripcions tecnicas detalladas en iste informe, pa lo suyo cumplimiento antes de l’aprebación inicial”.

Seguntes o pareixer d’Apudepa, o citau informe viene a corroborar a irracionalidat d’urbanizar a parcela en qüestión en a traza en que se proposa, pus o solar ye afectau por multitut de servidumbres de toda mena.

Fuent: http://arainfo.org/2014/02/el-informe-del-arquitecto-jefe-del-ayuntamiento-prescribe-la-retirada-del-plan-especial-presentado-por-brial-para-averly/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.