L’Institut d’Estudis del Baix Cinca entrega os suyos premios anyals

A colla de teyatro Garbinada, a filologa Maite Moret y l'historiador Jacinto Morales i serán premiaus

Pantallazo d'o blog ganador

Pantallazo d’o blog ganador, Al-Miknasiyya

L’Institut d’Estudis del Baix Cinca celebrará a suya tradicional gala anyal o sabado 24 a las 19h en a  Sala Goya de Mequinenza. En iste acto se darán os XVI premios Josep Galan a la Normalización Lingüistica.

En ista edición se premiará a la colla de teyatro Garbinada, por espardir entre o gran publico a obra de Jesús Moncada adaptada a lo teyatro, a filologa Maite Moret por haber presentau a primera tesi doctoral en catalán en a Universidat de Zaragoza y a suay faina como docent de catalán en ista mesma universidat y l’historiador Jacinto Bonales, por o suyo blog Al-Miknasiyya, por o tractamiento de diferents temas historicos sobre Mequinenza de traza cudiadosa y amena y por haber estau redactau en catalán dende que prencipió.

Mientres l’acto tamién se ferán publicos os prochectos ganadors d’as XXIII Becas Amanda Llebot, se celebrará o 25eno cabo d’anyo d’a Fundación Jordi Cases y Llebot, copatrocinadors d’as becas y actuará l’alumnalla d’a escuela de mosica José Ferrer de Mequinenza.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.