Lisbona esdevien una clamor contra as imposicions d’a troica en Portugal

Os meyos portugueses consideran que la d'o sabado estió a manifestación más multitudinaria d'as zaguers dos anyadas

Manifestación por as carreras de Lisbona (Foto: Cuba debate)

Manifestación por as carreras de Lisbona (Foto: Cuba debate)

Meyo millón de portugueses han saliu iste sabado t’as carreras de Lisbona ta chilar contra las retalladas d’o gubierno. Familias, profesionals, esqueferaus, politicos y sindicalistas participoron en las manifestacions convocadas por o movimiento ciudadano “Que se lixe la troika” (Que se’n vaiga la troika) contra las midas d’austeridat imposadas por o Banco Central Europeu, o Fundo Monetario Internacional y a Comisión Europea. Os meyos portugueses consideroron que la d’o sabado estió a manifestación más multitudinaria d’as zaguers dos anyadas.

A plataforma ciudadana contra la troica ya heba reuniu a centenars de mils de manifestants en setiembre de l’anyada pasada. Aquella estió considerada a manifestación más gran d’a historia de Portugal y agora s’ha visto superada por ista nueva muestra de carranye.

En ista ocasión, a movilización coincide con a presencia en a capital portuguesa d’os representants d’a Comisión Europea, o BCE y o FMI, que fan a sietena evaluación d’o programa d’asistencia financiera – como se conoix tecnicament a o rescate.

O lema d’a protesta yera “O pueblo ye qui manda”, un d’os versos de l’himno d’a Revolución d’os Clavels de 1974, “Grandola, Vila Morena”, que fació cayer a dictadura y ha esdeveniu en o sinyal d’o carranye ciudadano.

A canta estió cantada en rematar a marcha, en a plaza Terreiro de Paço, a más gran d’a capital portuguera, y en una vintena de capitals d’o mundo, entre ellas, Barcelona, Boston, París, Atenas y Estocolmo, seguntes os organizadors.

 

Fuent: http://www.vilaweb.cat/noticia/4090692/20130303/lisboa-esdeve-clam-imposicions-troica-portugal.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.