Lituenigo celebrará iste domingo lo suyo tradicional “pesache”

O pesache de Lituenigo estió declarau d'Intrés turistico en Aragón en l'anyo 1988

Imachen d'o pesache de l'anyo 2010

Imachen d'o pesache de l'anyo 2010

O venient domingo 25 de setiembre, a las doce y meya d’o maitín, a Plaza d’a Ilesia de Lituenigo se plenará de chent ta fer o tradicional “pesache” de ninos y ninas. A tradición se remonta a fa más de cuatrocientos anyos. Prencipió quand una familia de Lituenigo, debant d’a imposibilidat de tener fillos, se’n fue ta Tarazona. Astí hi vesitón a un familiar en o convento d’os Capuchinos ta demandar o suyo consello.

Iste les pronosticó que, en un plazo como muito d’un anyo, tendrían descendencia. A familia, agradecida, se comprometió a donar a San Miguel tantas talegas de trigo como quilos pesase o suyo fillo. A esposa parió lo diya de San Miguel, dando orichen a la tradición que s’ha manteniu dica huei. L’acto comienza con o pesache d’os ninos con una romana y dos capazos: uno t’o nino y l’atro t’o trigo.

Ye prevista la participación d’uns trenta ninos y ninas, bell uns d’éls plegaus dende Madrit, Barcelona u Bilbo. Con tot lo trigo recopilau plega l’inte d’a subasta dentre os asistents, prencipiando con o pre d’o mercau, encara que a quantidat de diners per quilo gosa de plegar a quintiplicar iste pre. O dinero reculliu en a subasta s’endreza ta gastos de mantenimiento de figuras d’a Cofradía de San Miguel y restauración d’istas imachens.

Ista borina estió declarada d’Intrés Turistico en Aragón en l’anyo 1998. Ye organizada per a cofradía de San Miguel y o concello de Lituenigo. A participación ye de baldes y ubierta a cualsiquier persona interesada. A inscripción ye ubierta dica o domingo 25.

Fuent: http://www.tarazonayelmoncayo.es/veragenda.asp?id=474

2 Rispuestas a Lituenigo celebrará iste domingo lo suyo tradicional “pesache”

  1. Polida fiesta ista!

    A cantrinalla a disfrutar estando n’o centro d’a fiesta!

  2. ye increyible a traza como la chent d’iste lugar colabora y s’implica en conservar as suyas tradicions, incluindo o pesache, y fer belunas actividatz en cheneral; la cual cosa (de conchunta con o teballo d’o Concello de Lituenigo y l’asociación “los ancebillos”) fa posible que o lugar contine vivo huei y por muito tiempo.

    Ista anyada, atra vegada, unas fiestas espectaculars…
    Entalto Lituénigo!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.