#Lloraconmigo, orichinal propuesta d’o Centro Astronomico Aragonés ta disfrutar d’as Glarimas de Sant Lorient

O Espacio 0.42 en o Parque Tecnolochico Walqa ha aprestau toda mena d'actividatz relacionadas con o fenomeno astronomico

cartel#Lloracomigo “Porque una emoción siempre mira companyía” ye o nombre d’a campanya centrada en o fenomeno astronomico d’as Glarimas de Sant Lorient u Perseidas y promovida por o Centro Astronomico Aragonés Espacio 0.42, en o Parque Tecnolochico Walqa de Uesca.

A campanya truca a los sentimientos d’os uescanos enta iste fenomeno tant enradigau entre a población de Uesca, que celebra as Glarimas de Sant Lorient como una actividat más adintro d’as fiestas laurentinas. Ista acción creyada por o Centro incluye un concurso en a pachina de Facebook d’a campanya Lloraconmigo, ta que todas as personas que quieran participar-ie faigan conoixer que son as glarimas ta cadagún, a on les fería goyo de viyer-las, con qui, que alcordanzas y deseyos les trayen, etc… Ta ixo han de creyar un chicot video, imachen u frase que transmita ixas emocions.

Entre as tretze participacions con más “me fa goyo” en o debantdito ret social se sorteyarán diferents premios ufiertos por os patrocinadors: Carita Bonita, Locura de vida, Restaurante Galatea de las Esferas, Bendita Ruina, Yomime, Camping Cañones de Guara y Formiga, Casa Rural Bernat, Bodegas Sentif, Capazo, Venta del Sotón, Restaurante Antonio Arazo, Casa de Turismo Rural Javier y MotorLand.

Antimás, todas las personas que quieran podrán ir t’o bar Bendita Ruina ta contar en directo y gravar os suyos deseyos relacionaus con as Glarimas de Sant Lorient o chueves 7 d’agosot dende as 19:00 y o viernes 8 a partir d’as 12:00.

Toda la información sobre os detalles d’a campanya, o concurso, os premios y as Glarimas ye en a web www.lloraconmigo.com. Antimás, a iniciativa conta con una canal de Youtube, Twitter y Facebook a on que s’amuestra todas as actividatz que se van fendo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.