Lo Fraixno para a seisena Feria d’a Ciresa ta iste cabo de semana

Mientres os diyas 8 y 9 de chunio, Lo Fraixno se convertirá en a capital d'a ciresa. I habrá amás puestos artesanals y de gastronomía amás d'atras actividatz

Feria2013O sabado 8 de chunio y o domingo 9, Lo Fraixno celebrará a seisena edición d’a Fiesta d’a Ciresa. A feria s’ixampla a dos diyas. Mientres istos dos diyas, os visitants podrán mercar ciresas, amás d’atros productos gastronomicos y artesanals. L’anyada pasada ya se vendioron entre 5.000 y 6.000 kg de ciresas.

En a feria, i habrá quince puestos d’artesanía y gastronomía y seis adedicaus en exclusiva a la ciresa, en a Pza. d’o Concello y d’a Ilesia. Amás mientres o sabado i habrá animación infantil y chenta popular con migas. O domingo a sociedat Comuners de Calatayut ferá una ruta senderista d’unos 14 km por a Sierra de Vicort que empecipiará a las 9 h.

A feria se fa con a intención de promocionar a os productors d’a redolada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.