Lo viernes empecipian las fiestas d’Echo

Durarán dica lo martes, con una ripa d'actos

Estatua en EchoDende lo viernes 5 dica lo martes 9, la villa d’Echo se troba de fiestas, que empecipiarán con chuegos tradicionals, chicolate y mosica de man de Caiman Show. Lo programa, escrito en buena parte en aragonés cheso, ye pleno d’actos de toda mena. L’alcalde, en o saludo, convida a “tot lo lugar, vecinos, partients y amigos a chuntar-se en plazas y carreras pa participar y disfrutar de tot lo que se celebra”.

Antimás d’os tipicos bailes y pasavillas, u d’os capezutos, lo programa de fiestas proposa atra actividatz no tant cutianas en los programas de fiestas. La tarde d’o sabado, los “Picadós de la Val d’Echo” amostrarán as suyas habilidatz con l’astral y a sierra. Lo domingo ye lo turno de lo esporte, con un partiu de pala y una exhibición de pilota a mano. Lo lunes  bi habrá “barallas de Paintball en lo campo de l’Arrigazo, mientres tot lo diya, y lo martes campionato de Hoyetes y jotas navarras.

Lo programa de fiestas, antimás de replegar as actividatz que se i fan, y os anuncios de qui han colaborau economicament, conta con bells quantos textos en aragonés cheso bien intresants. Lo programa se puede descargar en a web d’a Val.

 

Una rispuesta a Lo viernes empecipian las fiestas d’Echo

  1. Pingback: Lo viernes empecipian las fiestas d’Echo » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.