Lobón s’amuestra favorable a un parque natural en os Monegros

Modesto Lobón advierte manimenos d'a falta de consenso en a zona respective a la declaración de parque natural. Dende Europa s'exiche a protección d'ista zona

monegros

Foto: Wikipedia

Modesto Lobón, consellero d’Agricultura, Ganadería y Meyo Ambient d’o Gubierno d’Aragón ha amostrau a disposición d’o gubierno aragonés ta que os Monegros se conviertan en un parque natural. Manimenos, o consellero ha advertiu de que cal que i haiga un consenso social, o qual no existe agora. Ista declaración viene en respuesta a una interpelación d’o diputau d’IU Miguel Aso en as Cortz d’Aragón.

O consellero ha comentau que existen cinco PORN (Plans d’Ordenación de Recursos Naturals, trango previo ta declaración de parque natural) en a zona encetaus, nomás en Monegros Sud tien un esbruixallo, pero sin aprebación definitiva, y dende 2006 no s’ha feito garra trango administrativo entabant. O consellero ha destacau que “no i hai consenso sobre a importancia d’iste afer”. Manimenos, ha declarau que “somos dispuestos a que se i declare un parque natural, si i hai voluntat en as Cortz y prou consenso“. Una vegada existise ixe consenso en a zona, se continaría treballando ta fer os PORN y aprebar-se a solicitut por o Gubierno y as Cortz d’Aragón. O diputau d’IU amás ha proposau a creyación d’una reserva d’a biosfera en o citau puesto, o que ha acceptau o consellero.

Respective a la creyación d’un parque nacional en os Monegros, Lobón lo descarta, pues si bien cumple con un numero d’hectarias minimo y tien un sistema natural de prou intrés, no cumple con a condición de que tienga un baixo grau d’intervención humana. A fuerte existencia de l’agricultura ye un grau problema t’a existencia d’un parque nacional.

Dende Bruselas s’exiche que se protecha iste espacio, considerau como una zona unica y a de mayor riqueza en biodiversidat d’Europa. Dende IU han advertiu que acudirán a Bruselas en caso de que no s’enante en a protección d’iste espacio menazau.

3 Rispuestas a Lobón s’amuestra favorable a un parque natural en os Monegros

  1. Una mui güena notizia pa Os Monegros

  2. No solo vale con declarar Monegros como parque natural, sino que los ciudadanos, tanto los monegrinos como el resto de aragoneses, veamos los Monegros como lo que son: una maravilla natural única en Europa. Un lugar seco y hermoso al que aprender a querer y presumir de él. Por mucho que lo nombráramos parque nacional, natural, reserva de la biosfera…pero sin reconocimiento popular y apego al territorio, a sus gentes, a su cultura popular (dances, albadas, habla, gaitas de boto), sus productos y gastronomía (quesos, vinos, embutidos, dulces), y a la singularidad de esta pequeña parte del mundo que está dentro de Aragón.

  3. a vore que quede de tot aixó.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.