Los Draps anuncian o cese d’a suya actividat mosical

Los Draps meten fin a la suya carrera dimpués de 15 anyos fendo mosica en catalán

A colla d’o Matarranya Los Draps deixan de tocar como han feito publico en o suyo perfil de Facebook. Una d’as collas que mas ha feito por a normalizacion d’a mosica en catalán en Aragón y tamién por a normalidat de l’Aragón trilingüe deixan de tocar por “o colapso creativo” y as “distancias cheograficas” entre os miembros d’o grupo. Los Draps naixioron entre os anyos 92 y 97, quan facioron o suyo primer concierto, y deixan dos discos y una maqueta, amás de buena ripa de conciertos por totz os festivals d’o pais (Carrasca Rock, Artieda, Mosicos por un Aragón Trilingüe) y de difuera como o Rebrot, l’Acampallengua, L’Aplec dels Ports.

Naixius de Pena Roja, Los Draps han compartiu escenario con collas aragonesas como Prau, Mallacán u Azero y d’atras tan importants como Obrint Pas, Soziedad Alkoholika, Piperrak u Banda Bassotti. Tamién han ganau premios como l’Aragón Musical por canta en luenga minorizata y una denuncia d’o PP. Una trista noticia ta la diversidat mosical d’o país.

2 Rispuestas a Los Draps anuncian o cese d’a suya actividat mosical

  1. Hemos perdiu un trocet d’Aragón… Asperemos que antis con antis bi haiga bella colla en catalá que faiga tanta honra a ista luenga en Aragón como en ha feito Los Draps. Y, ya de paso, que faiga tan buena mosica.
    Entalto Los Draps!!!
    Entalto Aragón trilingüe!!!

  2. “Anuncian o cese d’a suya actividad..” el titular se paixe a’l que i va habere quan l’anuncio de la fin de eta.. jojo

    Y de Txirigol, se’n sabe cosa? Tamién lo dixan?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.